Unha muller tivo que esconderse este domingo no baño dunha cafetería do Centro urbano do Porriño por medo a sufrir unha agresión por parte da súa exparella, cunha orde de afastamento, ao atopalo no mesmo lugar.
Axentes da Policía Local do Porriño en colaboración coa Garda Civil detiveron a este home de 29 anos de idade por incumprimento desta orde de afastamento ditada polo xulgado do penal nº 1 de Vigo.
A muller xa presentou a correspondente denuncia e detido foi presentado este luns diante do xulgado de Primeira Instancia e Instrución nº 3 do Porriño.