jueves. 19.09.2019 |
El tiempo
jueves. 19.09.2019
El tiempo

Detido un veciño de Cangas por atracar un banco en Vigo

La Rúa do Ecuador de Vigo. GOOGLE MAPS
La Rúa do Ecuador de Vigo. GOOGLE MAPS

Fuxiu á carreira tras conseguir o botín e unha hora despois asaltou unha tenda

Axentes da Policía Nacional da Comisaría de Vigo detiveron a un veciño de Cangas, de 35 anos, pouco tempo despois de que cometese un atraco nunha entidade bancaria e outro nunha tenda da cidade olívica. 

Segundo informaron fontes policiais, os feitos ocorreron na mañá deste mércores. á primeira hora, a sala do 091 recibiu un aviso dun atraco nunha sucursal bancaria da rúa Ecuador, onde un individuo alto, delgado, con cazadora e vermella e pantalón azul entrara á oficina. 

Tras ameazar aos empregados para que lle entregasen o diñeiro en efectivo dispoñible, e conseguir o seu botín, o atracador fuxiu á carreira. 

Unha hora despois, a Policía recibía outro aviso por un atraco nunha tenda na rúa Vázquez Varela. O responsable do local relatou aos axentes que acudiron que un home, cuxa descrición coincidía coa do atracador do banco, o ameazara para roubar o diñeiro da caixa. 

A Policía despregou un dispositivo de procura e detectou ao sospeitoso pouco antes das 11,30 horas na rúa México. Un dos axentes dunha dotación baixou do coche e seguiuno de forma discreta, mentres outros policías esperaban na rúa Brasil. 

Así, o home foi detido e trasladado a Comisaría, onde se comprobou que sobre el pesaba unha orde xudicial de procura e detención, ademais de que tiña varios antecedentes policiais. O arrestado e as dilixencias practicadas foron postos a disposición xudicial.

Detido un veciño de Cangas por atracar un banco en Vigo