Miércoles. 22.05.2019 |
El tiempo
Miércoles. 22.05.2019
El tiempo

Detido por facerse pasar por enfermeiro un home xa condenado por pirómano en Galicia

Un detido esposado. ARCHIVO
Un detido esposado. ARCHIVO

Impútanselle os delitos de falsidade documental e intrusismo profesional

Axentes da Policía Nacional detiveron o luns en Madrid un individuo que se facía pasar por enfermeiro para traballar en centros de asistencia a persoas maiores. Segundo indicaron fontes policiais, o arrestado, S.B.L, de 31 anos, xa fora detido en Galicia por provocar varios incendios na provincia de Ourense o verán de 2016, aínda que agora estaba en liberdade vixiada. Tamén constan outros antecedentes por estafa. 

Durante o período de probas a empresa sospeitou da súa actitude e ao comprobar a titulación que presentou xunto ao currículo detectouse a súa falsidade. Ao arrestado impútanselle os delitos de falsidade documental e intrusismo profesional. 

A investigación iniciouse o pasado día 9 por axentes da comisaría do distrito madrileño de Ciudad Lineal. Alí recibiuse unha denuncia na que unha empresa comunicaba a actitude sospeitosa dun traballador que se atopaba en período de probas. O individuo presentara un certificado de pago de taxas para aparentar estar en posesión do título universitario de enfermaría e un certificado como enfermeiro colexiado. 

Finalmente os axentes localizaron a esta persona e tras o seu arresto foi posto a disposición da autoridade xudicial. A investigación continúa aberta por se puidese cometer feitos similares noutros centros. 

Detido por facerse pasar por enfermeiro un home xa condenado por...
Comentarios