domingo. 09.08.2020 |
El tiempo
domingo. 09.08.2020
El tiempo

Caballero critica ao PP e di que "o problema" de financiamento xerouno "Montoro en 2017"

Gonzalo Caballero. ELISEO TRIGO (Efe)
Gonzalo Caballero. ELISEO TRIGO (Efe)
Esixe explicacións a Feijóo por "negarse a solucionar" a situación de financiamiento autonómico ao situarse en contra dos PGE de 2019 

O secretario xeral de PSdeG, Gonzalo Caballero, devolve as críticas sobre a negativa do Goberno central a entregar a Galicia os 200 millóns de euros correspondentes ao Ive de 2017 e critica ao PP porque "o problema" do financiamento autonómico "xerouno Montoro en 2017", ademais esixe "explicacións" ao presidente da Xunta, Alberto Núñez Feijóo, por "negarse a solucionalo" apoiando os PGE. 

Na mesma liña, a ministra de Facenda, María Jesús Montero, explicou a pasada xornada a perspectiva que tamén mantén Caballero. E é que Montero argumentou que "correspondía ao ano 2019" a transferencia de fondos "porque o sistema de financiamento ten a liquidación dous anos máis tarde do exercicio no que se produce. O dano de 2017 tíñase que reparar en 2019", pero ao non ter a aprobación do proxecto de Orzamentos Xerais do Estado e o "rexeitamento das forzas parlamentarias, decaeu esta medida e non a puidemos atender". 

Isto mesmo trasladouno Caballero este mércores, dicindo ademais que Feijóo "non dixo nada" no seu momento e que "preferiu obstaculizar a situación" no canto de apoiar os Orzamentos Xerais do Estado (PGE) que expuñan os socialistas en 2019. 

Igualmente, defendeu que "a ministra de Facenda explicoulle o prazo legal para resolvelo era de dous anos, pero Feijóo preferiu o boicot, pondo á Xunta a disposición da estratexia do PP". 

Na mesma liña, aproveitou para lembrar que "tampouco Feijóo dicía nada" cando Rajoy deixou sen investir 2.300 millóns de euros que estaban orzados para Galicia. 

A pesar de que os 200 millóns de euros non van chegar a Galicia, o máximo responsable do PSdeG destacou que "os socialistas somos a mellor garantía para o financiamento autonómico" e asegurou que traballarán por "alcanzar un sistema potente para toda España" que de resposta ás necesidades das distintas comunidades. 

Caballero critica ao PP e di que "o problema" de financiamento...
Comentarios