sábado. 06.03.2021 |
El tiempo
sábado. 06.03.2021
El tiempo

O BNG urxe o confinamento "canto antes" coa pandemia ao "bordo do descontrol"

Imagen de archivo de Ana Pontón. EFE
Ana Pontón, este martes en Santiago. EFE
"Cando se trata de salvar vidas, esperar non é unha opción", sinala Ana Pontón

A portavoz nacional do BNG, Ana Pontón, urxiu á Xunta a pedir o confinamento en Galicia "canto antes" coa pandemia "ao bordo do descontrol", tras as últimas "cifras pavorosas" de mortes na comunidade. 

A líder nacionalista aproveitou a súa intervención na primeira comparecencia da comisión parlamentaria de reactivación -a cargo do conselleiro Francisco Conde- para "pór sobre a mesa a opción do confinamento" ante a "extraordinaria gravidade" da situación. "Os datos apuntan a que esta medida vai ser a única solución para frear a expansión desta segunda onda", sentenza Pontón. 

"Se esta é a medida máis contundente para frear o descontrol cara ao que camiña a covid, o que temos que dicir é que debería adoptarse canto antes, non esperemos a pór en marcha unha medida que demostrou a súa eficacia, que están a adoptar os países da nosa contorna", opina. 

Por iso, Ana Pontón demanda que "se hai que facelo, que se faga xa, sen medias tintas, porque este non é un momento de aplicar a política da avestruz". Asegura que "Galicia necesita un goberno que lidere a loita contra a pandemia", e iso significa "tomar medidas claras, rotundas e contundente". 

Pon de exemplo que Alemaña apostou por esta medida cunha incidencia de 168 casos por 100.000 habitantes, mentres en Galicia está en 311, unha situación "preocupante" que require que o goberno se anticipe e sexa útil". 

Insiste en que "cando se trata de salvar vidas, esperar non é unha opción", de modo que esixe ao Executivo galego que "plante cara". Apela a "ser claro" con "medidas contundentes" e "non infantilizar" á sociedade. 

De tal modo, aposta polo "confinamento como mellor medida para preservar a saúde dos galegos", pois tamén "significa pór as bases para salvar empresas". 
 

O BNG urxe o confinamento "canto antes" coa pandemia ao "bordo do...
Comentarios