Aterra de emerxencia en Compostela un avión que viaxaba de Frankfurt a Varadero

Os sensores do aparato indicaban a existencia dun posible lume

Un avión que partiu de Frankfurt e se dirixía cara a Varadero (Cuba) solicitou na tarde deste venres a súa aterraxe no aeroporto de Lavacolla, en Santiago, debido a unha incidencia técnica. Ao parecer, os sensores indicaban a existencia dun posible lume.

Segundo informa Aena, a aeronave da compañía alemá Condor tomou terra sobre as 15.50 horas e fíxoo sen afectar o tráfico aéreo nin aos voos previstos. Ademais, o xestor do tráfico aéreo indica que o avión continúa en Lavacolla á espera de que a compañía decida retomar a ruta. 

Comentarios