Un particular avistou na tarde deste xoves un cadáver flotando no río Sisalde, no municipio coruñés de Arteixo.
Segundo informou o 112-Galicia, os equipos de emerxencias tiveron coñecemento do achado sobre as 17.30 horas. O corpo estaba a flotar no río moi preto da depuradora.
Ata a zona desprazáronse efectivos dos Bombeiros de Arteixo, da Garda Civil, da Policía Local e de Protección Civil de Arteixo, así como persoal sanitario do 061. Os axentes, que investigan o achado, confirmaron que se trata do corpo dun home.