sábado. 06.06.2020 |
El tiempo
sábado. 06.06.2020
El tiempo

Os anticapitalistas deixan Podemos Galicia para construír unha alternativa propia

Paula Quinteiro. PEPE FERRÍN
Paula Quinteiro. PEPE FERRÍN
Paula Quinteiro anuncia que abandonan os órganos internos do partido para formar "unha esquerda política e social independente do Goberno"

Os anticapitalistas, organización á que pertence a deputada autonómica Paula Quinteiro, abandona Podemos Galicia para "traballar na construción dunha alternativa rupturista co Réxime do 78 que non se limite á xestión do mesmo".

A organización ata o de agora integrada no partido morado anuncia a súa decisión nun comunicado no que sinala que "é necesario construír unha esquerda política e social independente do Goberno que impulse a mobilización social".

Así, avanzou que "todos" os militantes anticapitalistas "deixan os órganos internos de Podemos Galicia e calquera responsabilidade a nivel nacional e municipal".

Ademais de apelar a "dar resposta ás demandas deste ciclo de mobilizacións sociais", consideran "imprescindible afrontar a crise territorial do Estado dando a palabra aos pobos co exercicio do dereito de autodeterminación sen restricións".

"Estamos seguras de que nos seguiremos atopando coa xente de Podemos en moitas frontes nos que se loitará contra o neoliberalismo e o patriarcado, a pé de rúa e de movemento", reza o comunicado dos anticapitalistas, organización á que pertence, ademais da deputada de Común da Esquerda Paula Quinteiro, o ata o de agora secretario de Podemos Vigo, Xaquín Pastoriza.

Os anticapitalistas deixan Podemos Galicia para construír unha...
Comentarios