O Guitiriz suma a segunda vitoria consecutiva e abandona a última praza, á que cae o Vilalba

Dobre derbi provincial que mantén ao Meigallos liderando cunha vitoria, que tamén obtivo o Burela sobre o Casás

Dobre derbi nesta xornada de volta ao parqué con vitoria de Meigallos e Burela, sobre Vilalba e Casás, respectivamente. O equipo Vilalbés cae á última praza, que deixa o Guitiriz, que sumou a segunda vitoria consecutiva.

O Meigallos segue liderando o grupo da xuvenil cinco puntos por riba do seu perseguidor tras sumar unha vitoria contra o Vilalba nesta xornada de reanudación. Foron moi superiores os de Sarria, aínda que os vilalbeses tiveron as súas oportunidades antes do descanso, ao que se chegou 0-2.

Na segunda parte, o Vilalba acortou distancias co 1-2 e o Meigallos sufriu un pouco antes de marcar o 1-3 nunha xogada a balón parado para volver ser superiores. Tralo 1-4, o Vilalba sacou o porteiro xogador pero foi o Meigallos o que marcou a porta baleira. Vitoria importante para o equipo de Sarria na súa procura de asentar o liderado malia ter dúas baixas importantes, Rubén, que rompeu o menisco, e Gonzalo, que foi expulsado.

Consulta aquí a clasificación

No outro debi da xornada, o Casás caeu ante o Burela, que se coloca terceiro, malia que foi o equipo amarelo o que comezou gañando, cun 2-0 nos primeiros minutos. Partido moi igualado na primeira metade, como foi o de ida, ofrecendo un gran espectáculo ao público.

Na segunda parte, o Burela retomou o xogo con forza e o Casás quedou atontado ante tres goles laranxas en rápida sucesión. Os de Nino dispuxeron depois de numerosas ocasións pero non foron capaces de levantar o resultado e o marcador non se moveu máis.

Finalmente, o Guitiriz, xa que o Begonte descansou, logrou sumar a segunda vitoria consecutiva, tras unha tempada para esquecer. Deste modo, abandona a última praza con opcións aínda de seguir mellorando. Venceron a un Ventorrillo, que acudiu xusto de xogadores, por 5-4. Primeira parte tamén moi igualada que rematou cun único gol de Alexandre no minuto 1.

Na segunda, o Guitiriz púxose nada máis aterrar con dous goles máis por diante mentres o Ventorrillo non deixaba irse ao equipo local no marcador. Chegaron a poñerse 5-2 pero o Ventorrillo recuperou no tramo final ata o 5-4 con porteiro xogador. O perigo real estivo cando faltaban dez segundos, o Guitiriz fixo unha falta que trouxo un dobre penalti pero Iago foi o encargado de parar o misil para sumar os dous puntos.

VILALBA 1 - 5 MEIGALLOS

Grupo Forma-T Vilalba FS: Dilan, Diego A, Javier, Pablo L, Brais (1), José, Diego M, David, Noé e Pablo D.
Os Meigallos FS: Saúl T, Iago, Pablo (1), Borja (1), Saúl F (1), Álex, Adrián, Brais (1), Tomás (1) e Jesús.
Cancha: Municipal de Vilalba.

CASÁS 2 - 5 BURELA

Club Polideportivo Casás: Raúl, Samuel, Sami, Iván (1), Alberto, Jorge, Uxío, Pablo, Alonso, Nicolás e Manuel (1).
Pescados Rubén Burela FS: Javier, Bruno (1), Hugo, Rafael (2), Fernando (1), Roi, Elías, Lucas (1), Luis Miguel, Isaias, Saúl e David.
Cancha: O Palomar.                 

GUITIRIZ 5 - 4 VENTORRILLO

EDM Concello Guitiriz FS: Iago, Aitor, Alexandre (1), Sergio, Anxo (2), Xoel, Lois (2) e Bruno.
Distrito Ventorrillo FS: Rubén (1), Jaime, Ramón (2), Abel (1) e Miguel A.
Cancha: Jonathan Carro.           

 

LIGA GALEGA XUVENIL GRUPO A

                Resultados xornada 14

Vilalba 1-5 Meigallos
Casás 2-5 Burela
5 Coruña 6-2 Hércules
Guitiriz 5-4 Ventorrillo
  D Begonte

                  Próxima xornada

Meigallos - Casás
Burela - 5 Coruña
Hércules - Guitiriz
Ventorrillo - Begonte
  D Vilalba

 

                          

Liga Feminina

Consulta aquí a clasificación

 

LIGA GALEGA XUVENIL FEMININA GRUPO B

             Próximas xornadas (21/02)                        

Vilalba - Cidade das Burgas
Ribeira - Burela
Burela - Vilalba
Cidade das Burgas - Ribeira