A Federación Catalana de Fútbol será a organizadora da fase previa do Campionato de España de Seleccións Autonómicas de Fútbol Sala das categorías sub 16 e sub 19 masculinas, unha cita que terá lugar do 26 ao 30 de decembro.
Os pavillóns Ponent de Salou e o Sant Jordi de Torredembarra acollerán esta fase previa de ambas as categorías.
Nas dúas participarán un total de cinco combinados autonómicos: Cataluña, Galicia, Ceuta, Aragón e Comunidade Valenciana. Estas seleccións sitúanse no Grupo A, tanto na categoría sub 16 como sub 19, e os dous primeiros clasificados conseguirán o billete para a fase final dos Campionatos de España.
Cada día haberá dous partidos en cada sede. O luns 26 de decembro de 2022 disputaranse os primeiros partidos pola tarde, tanto en Salou como en Torredembarra. Os demais días disputaranse os partidos, en ambos pavillóns, ás 10:00 horas e ás 12:15 horas.
Para Galicia o luns será día de descanso mentres que o martes enfrontarase en primeiro lugar coa Comunidade Valenciana, para seguir o mércores co Ceuta, o xoves con Cataluña e o venres con Aragón.
Os nosos seguen coa preparación para esta cita en territorio catalán. Tanto o combinado sub 16 como o sub 19 xa disputaron varios encontros amigables e a próxima semana regresarán aos adestramentos.Na masculina a convocatoria Sub 19 consta cos seguintes xogadores da provincia:
- Pablo Vázquez (Lugo Sala)
- Yeri Espiñeira (Lugo Sala)
Na masculina a convocatoria Sub 16 están:
- Borja Cortegaza (Burela)
- Iago López (Burela)
- Gabriel Díaz (Burela)
- Aimar Gómez (Ribeira)
- Cristian Giraldo (Ribeira)
- Saúl Luna (Ribeira)
FEMININA
A fase previa feminina será en Murcia na semana do 16 de xaneiro. Na categoría feminina as convocadas ata o momento en Sub 19 son:
- Paula Rodriguez (Ribeira)
- Daria Kowshyk (Burela)
- Sofiia Kowshyk (Burela)
- Aroa Rodríguez (Vilalba)
- Jennifer García (Vilalba)
- Yanira Guizán (Guitiriz)
Na Sub 16 as convocadas foron
- Claudia Rodríguez (Burela)
- Lola Muñoz (Burela)
- Antía Corral (Castro)
- Irene Suárez (Castro)
- Mara Fiallega (Ribeira)