Remata a primeira fase na xuvenil sen sorpresas e co derbi Meigallos-Begonte aprazado

Fin da primeira fase nunha categoría que estaba decidido o principal semanas atrás. O Meigallos e o Concello de Begonte aprazaron o seu duelo ao venres pero pase o que pase para os de Sarria non impedirá que rematen líderes aínda que os chairegos teñen a posibilidade de cambiar de grupo, xa que poderían poñerse sextos de gañar.

Quen xogou foi o outro clasificado para o grupo alto xunto co Meigallos, o Burela, que caeu a domicilio co Ventorrillo, equipo da zona media, aínda que non se xogaba nada e que segue segundo. Non as tivo todas o equipo laranxa, que comezou a encaixar cedo e que no intermedio tiña un 3-0 que se convertiría en 3-1 á volta de vestiarios. Aínda así, o Ventorrillo marcou sobre a bucina o cuarto.

O Casás caeu co 5 Coruña B e pasa á segunda fase como quinto de grupo. 5-3 foi o resultado co que volveron os de Nino a casa na última sesión. Xogaron unha primeira parte malísima chegando tarde ao balón e vapuleados polo local para rematar 5-0. Tralo paso por vestiarios cambiou o conto, o Casás asentouse no partido e comezou unha remontada que se quedou corta para igualar o partido e mesma para gañar porque houbo oportunidades claras.

Consulta aquí a clasificación

Na parte baixa da táboa o Guitiriz e o Vilalba xogaron un derbi no que nada podía cambiar na clasificación e nada cambiou. Aínda así, os de Maradona leváronse a vitoria por 3-2 no Jonathan Carro.

Foron superiores os locais que lograron abrir fenda rapidamente con dous goles antes dos dez minutos. Logo na segunda marcaron de novo e cando o escaso do banco volveu pasar factura o Vilalba remontou ata o 3-2. Con este resultado, a falta de 2 segundos o árbitro pitou dobre penalti a favor dos vilalbeses pero Yanira fixo alarde do seu bo facer unha vez máis para paralos e deixar sumar ao seu equipo tres puntos máis. Deste modo, Guitiriz pecha a clasificación e Vilalba queda penúltimo.

Para a seguinte fase Burela e Meigallos compartirán grupo na loita polo título e o ascenso á División de Honra. 

No grupo 2 pola permanencia está o Vilalba e podería sumarse o Concello de Begonte se gaña ao Meigallos. No grupo 3 coinciden de novo, polo momento Casás e Guitiriz. Haberá seis equipos en cada grupo e descenderán os dous últimos de cada un.

5 CORUÑA 5 - 3 CASÁS

GUITIRIZ 3 - 2 VILALBA

VENTORRILLO 4 - 1 BURELA

                Resultados xornada 18

Liga Feminina

Consulta aquí a clasificación

             Próximas xornadas (21/02)