Dobre derbi provincial con final previsible e triunfo dos dous clasificados para os play off

Con todo decidido esta fin de semana na parte alta da clasificación, o Vilalba protagonizou a xornada, trala vitoria dos dous equipos da cabeza en derbi.

O equipo da Chaira foi protagonista ao arrebatarlle o triunfo ao 5 Coruña, terceiro na táboa, nun partido disputado e no que o local brillou para sumar a terceira vitoria da tempada.

Os vilalbesese abriron a conta no minuto 1, repetiron a xesta no 6 e no descanso estaban xa 3-0, que se converteu en 4-0 aos dos minutos do regreso do intermedio.

Reaccionou o rival intentando darlle a volta ao resultado pero non puido pasar do 4-3, momento no que o Vilalba recuperou forzas e marcou de novo no último minuto, segundos antes de que o 5 Coruña finalizara intentado o empate pero sen logralo (5-4).

Consulta aquí a clasificación

O líder, o Meigallos, que xa é campión da fase unha xornada antes de que remate, venceu ao Concello de Guitiriz, que tamén rematará último de grupo. 5-3 foi o resultado co que os de Éric marcharon para casa tras mostrar superioridade ante un rival que puxo as cousas moi complicadas na primeira parte, especialmente a súa porteira, Yanira, que evitou que a conta fose maior.

O outro duelo da xornada foi o do Burela co Begonte. Os locais foron contundentes e pecharon a actuación do día cun 5-0 no que amosaban porque están clasificados para a segunda rolda na zona de ascenso. O Begonte contivo ao rival ata a segunda parte co 1-0 no marcador na pausa. Dous goles seguidos na segunda xa anunciaban un final no que os tres puntos ían ir para os laranxas.

O Casás, que non entrará finalmente no grupo de cabeza, tivo descanso esta fin de semana.

VILALBA 5 - 4 5 CORUÑA

MEIGALLOS 5 - 3 GUITIRIZ

BURELA 5 - 0 BEGONTE

                Resultados xornada 17

   Próxima xornada 

Liga Feminina

Consulta aquí a clasificación

             Próximas xornadas (21/02)