O Meigallos xa está dentro do grupo que pelexará polo ascenso cando faltan tres sesións

O Meigallos pasou apuros pero finalmente amosou que por algo lidera a táboa. Venceu na casa esta fin de semana pola mínina diferenza dun gol ao Casás (7-6). Foron os sarriaos de menos a máis mentres o Casás facía o contrario. Chegaron a estar 5-1 pero os de Nino recuperaron tensión e achegáronse antes do descanso ata o 5-3.

Partido moi competido na segunda metade, na que o local deixou pasar e o Casás fallou moito polo que o marcador foise aproximando pouco a pouco ata o 6-6 a cinco minutos do final. Finalmente, sería Borja o que poñería a vitoria sobre a mesa cando faltaban dous minutos.

O polo momento campión de grupo está xa clasificado para a segunda rolda no grupo que pelexará polo titulo e o ascenso con colchón cómodo de 7 puntos diante do Burela.

Os mariñaos ocupan agora o posto de prata tras arrebatarlle o lugar ao 5 Coruña no duelo desta fin de semana no Vista Alegre, no que os locais foron claros nas súas aspiracións. Os burelaos foron sempre por diante e abriron a conta no minuto 4. Rematou a primeira metade cun 3-2 que non daba nada por suposto pero no regreso, o Burela estivo consecuente e volveu coller o control do partido para seguir goleando.

Consulta aquí a clasificación

Vitoria tamén in extremis do Begonte sobre o Ventorrillo. Xogaron os chairegos un partido que se complicou innecesariamente xa que aos 10 mimnutos ían gañando 0-4. Reaccionou o Ventorrillo antes do descanso e cunha individualidade e logo un erro do Begonte marcharon 2-4 ao descanso.

Na segunda parte, os chairegos dedicáronse máis a defender en media pista e saír en transicións polo que se ampliou de novo a vantaxe. Aínda así, o local recuperou terreo perigosamente con dous gous en xogadas illadas.

O Guitiriz caeu de novo co Hércules, 6-4, pero cun resultado menos avultado que no partido de ida. Foi un partido moi disputado que comezou co Guitiriz durmido e encaixando un gol nada máis comezar. Empataron cedo e comezou un intercambio de xogo moi visual que lles permitiu a ambos progresar no marcador moi igualados na maior parte das ocasións cos chairegos por diante.

Na segunda metade, chegaron a poucos minutos do final 4-4 pero un erro provocou o quinto do Hércules e despois marcou o sexto sobre a bucina.

MEIGALLOS 7 - 6 CASÁS

BURELA 7 - 3 5 CORUÑA

HÉRCULES 6 - 4 GUITIRIZ

VENTORRILLO 4 - 5 BEGONTE

                Resultados xornada 15

Próxima xornada

Liga Feminina

Consulta aquí a clasificación

             Próximas xornadas (21/02)