O Burela aséntase no liderado da Galega e o Vilalba suma os primeiros tres puntos

División de Honra Xuvenil

O Ribeira adiantou esta fin de semana ao Acasti Reformas na táboa logo da súa vitoria ante o Tres Columnas, un dos equipos da zona máis baixa.

Os lugueses, aos que lles custou atopar os tres paus contrarios, abriron a conta xusto antes do intermedio e á volta marcaron o gol que aseguraba a vitoria. No minuto 31 lograban completar o trío, antes de que o o rival marcase o único gol do duelo.

Pola súa banda, ao Acasti Reformas pasoulle factura o descanso de tres semanas no que encarrilou a súa xornada de descanso, a fin de semana no que non houbo competición e a suspensión polo temporal.

Desde modo, ten un partido de carencia cos seus rivais e esta fin de semana foi derrotado polo líder, o Valladolid, pero cun resultado moi axustado. De feito, os brancos foron sempre por diante no resultado xa que estiveron máis acertados na porta. Foron os encargados de abrir o marcador e malia os continuos empates sempre lograron adiantarse. A falta dun minuto, foi o Valladolid o que marcou o gol da vitoria e o Lugo Sala intentouno con porteiro xogador pero non foi quen de empatar o partido.

Consulta a clasificación aquí

 TRES COLUMNAS 1 - 3 RIBEIRA

ACASTI REFORMAS 3 - 4 VALLADOLID

Resultados xornada 8

O Burela apunta maneiras de campión. Esta fin de semana venceu con moita comodidade a un dos aspirantes ao título, o Hércules.

Os laranxas levaron o marcador ata o 10-6 polo que, cun partido, menos, collen moita vantaxe para facerse co título, aínda que o Noia, que ten aínda menos está moi preto. Malia o resultado, os burelaos saíron algo durmidos e tiveron que encaixar dous goles en 3 minutos, dos que se recuperaron rapidamente. A igualdade foi máxima ata moito despois do descanso chegando a estar 5-5. 

Os últimos dez minutos foi o Burela o que controlou a situación e cun gol en propia porta do rival empezou a coller vantaxe, que completou sobre a bucina.

Boas novas tamén para o Vilalba, que logrou a súa primeira vitoria do curso ante o Alto do Vento por 4-5. Dominaron os vilabeses, que xogaron un partido moito máis completo do que reflicte o marcador, que se mantivo igualado ata o tramo final, cando a falta de 40 segundos o Vilalba marcou o gol da vitoria para levarase os tres puntos.

Outro dos aspirantes ao título, o Noia, superou ao Meigallos, que caeu á sétima praza logo da súa terceira derrota consecutiva despois dun gran inicio de Liga. Xogaron un gran partido ambos e foi o acerto goleador o que marcou o curso do mesmo. Entraron mal os sarriaos polo que o Noia aproveitou para abrir a conta. Reaccionaron ben pero o local mantívose por diante porque o. Meigallos non defendeu con intensidade.

Acabaron 3-2 ao descanso pero o rival aproveitou varias individualidades por banda esquerda para seguir por riba ata o 6-3. No 5 para 4 o Meigallos tivo ocasións para marcar pero non entraron, como tampouco o fixeron as oportunidades que tivo o Noia para seguir abrindo fenda.

Consulta a clasificación aquí

NOIA 6 - 3 MEIGALLOS

BURELA 10 - 6 HÉRCULES

 ALTO DO VENTO 4 - 5 VILALBA

Liga Galega Xuvenil Feminina