O Meigallos mantén o liderado tras un partido agónico contra o Burela, moi igualado e no que a equiparación dos equipos foi ata en tarxetas vermellas, unha para cada equipo no tramo final. Foron durante todo o duelo intercambiándose no liderado do marcador.
Chegaron 5-5 e a 5 segundos do final, o Meigallos marcou o gol da vitoria tras un duelo no que foi perdendo os xogadores máis representativos por baixa ou expulsión. O Meigallos mantense logo 8 puntos por riba do segundo na táboa con tres equipos pisándolle os talóns.
Un deses equipos que esperan na recámara é o Casás, que venceu ao Ventorrillo nun partido no que o que máis traballou foi o marcador, xa que chegaron a 9-8.
Partido de ida e volta, un espectáculo de caídas e xogo no que foi mellor o Casás. Enturbiou o resultado que o equipo encaixou moitos goles. O marcador estivo 9-6 a catro minutos do final, pero o Ventorrillo meteu os dous últimos.
Vitoria tamén para o Begonte, que se fixo co triunfo ante o 5 Coruña, un dos aspirantes ao título. Partido igualado no que comezaron perdendo dende o minuto 1 pero no que puideron refacerse cun empate e poñéndose por diante antes do descanso. Colocáronse en media pista e fixeron unha boa defensa a partir do gol aproveitando as ocasións en ataque.
Na segunda parte, máis do mesmo. O Begonte abriu máis a fenda cun gol dende a pista visitante e faltando 10 segundos o Coruña achegouse, pero non foi a máis.
O Vilalba sumou un punto ante o Hércules, co que empatou 2-2. Tardaron en abrir a caixa dos goles, xa que foi polo minuto 15 cando entrou o primeiro, por parte do Hércules, que rapidamente contestou o Vilalba. Na segunda parte serían os chairegos os que se adiantarían ata que a cinco minutos do final o visitante puxo o empate no marcador e este non se moveu máis.
MEIGALLOS 6 - 5 BURELA
Pescados Rubén Burela FS: Javier, Hugo (2), Rafael (1), Isaias, Fernando, Bruno, Elías, Diego (1), Lucas, Luis (1) e Saúl.
Cancha: O Chanto.
CASÁS 9 - 8 VENTORRILLO
Distrito Ventorrillo FS: Alejandro P, Abel, Diego, Alejandro V (2), Xoel, Ramón (2), Brais (4), Miguel e Noé.
Cancha: Ventorrillo.
VILALBA 2 - 2 HÉRCULES
Sport Sala Hércules FS: Daniel, Fernando, Darío Q (1), Martín, Sergio, Alan (1) e Darío R.
Cancha: Municipal de Vilalba.
5 CORUÑA 2 - 3 BEGONTE
Concello de Begonte FS: Daniel, Martín, Pablo V, Rodrigo (2), José María, Pablo P, Antonio (1), Marcos e Ramón.
Cancha: Novo Mesoiro.
LIGA GALEGA XUVENIL GRUPO A |
---|
Resultados xornada 12
Meigallos | 6-5 | Burela |
Vilalba | 2-2 | Hércules |
Casás | 9-8 | Ventorrillo |
5 Coruña | 2-3 | Begonte |
D | Guitiriz |
Próxima xornada
Burela | - | Vilalba |
Hércules | - | Casás |
Ventorrillo | - | 5 Coruña |
Begonte | - | Guitiriz |
D | Meigallos |
Liga Feminina
LIGA GALEGA XUVENIL FEMININA GRUPO B |
---|
Próximas xornadas (21/02)
Vilalba | - | Cidade das Burgas |
Ribeira | - | Burela |
Burela | - | Vilalba |
Cidade das Burgas | - | Ribeira |