O Meigallos mantén o liderado da xuvenil malia o esvarón que tivo esta fin de semana, xa que non puido pasar do empate co Hércules, o mesmo equipo co que perdeu na primeira volta, a única derrota da tempada.
Comezaron o partido moi ben, dominando e ante un conxunto que actuou pechado atrás. A relaxación do que se sabe líder pasou factura e encaixou tres goles cedo, noutras tantas contras. O Meigallos, vendo a situación, recuperou a presenza e apertou para poder levantar o resultado pero non puido pasar do empate.
Co Burela en xornada de descanso, situado na terceira posición, o Casás perdeu ante o Begonte. Partido condicionado polas decisións arbitrais, que protestaron dende o equipo amarelo. Moita igualdade no marcador, xa que sempre estiveron moi próximos co Begonte por diante na maior parte das ocasións. Moitos goles que deron emoción pero que non deixaron moita satisfacción polo devenir do partido.
O Concello de Guitiriz finalizou con derrota ante o 5 Coruña pero tamén pechou un dos partidos máis completos da tempada. O equipo de Maradona puido disputar a segunda parte ao mesmo nivel que a primeira, algo que non vén sucendendo nas últimas xornadas. Mereceu máis o equipo chairego que fixo un gran labor de novo co reducido do seu banco e co capitán aínda de baixa por lesión.
1-2 ao descanso e foi empate xa no inicio da segunda metade. O rival puido irse no marcador só no final.
Derrota incuestionable do Vilalba co Ventorrillo a domicilio por 9-1. Tres goles nos primeiros 5 minutos lastraron un resultado que se mantivo en 3-0 ata a segunda metade. Trala pausa seguiron caendo os goles lentamente ata o tramo final onde engordaron o resultado.
HÉRCULES 3 - 3 MEIGALLOS
Os Meigallos FS: Álex, Brais, Pablo, Borja (1), Saúl F (1), Saúl T, Rubén, Iago, Gonzalo (1) e Xoel.
Cancha: Tarrío.
BEGONTE 6 - 5 CASÁS
Club Polideportivo Casás: Raúl, Samuel, Alonso (2), Alberto, Diego (3), Jorge, Uxío, Pablo e Manuel.
Cancha: Municipal de Baamonde.
VENTORRILLO 9 - 1 VILALBA
Grupo Forma-T Vilalba FS: Dilan, Diego A (1), Michael, Javier (1), David, Diego M, Pablo e Brais.
Cancha: Ventorrillo.
GUITIRIZ 2 - 5 5 CORUÑA
5 Coruña FS B-Mera FS: Jorge (1), Gonzalo, Rubén, Jairo (1), Matías, Víctor, Álvaro, Gonzalo, Antón, Samuel, Íker e Javier (2). Un en propia porta do Guitiriz.
Cancha: Jonathan Carro.
| LIGA GALEGA XUVENIL GRUPO A |
|---|
Resultados xornada 11
| Hércules | 3-3 | Meigallos |
| Ventorrillo | 9-1 | Vilalba |
| Begonte | 6-5 | Casás |
| Guitiriz | 2-5 | 5 Coruña |
| D | Burela |
Próxima xornada
| Meigallos | - | Burela |
| Vilalba | - | Hércules |
| Casás | - | Ventorrillo |
| 5 Coruña | - | Begonte |
| D | Guitiriz |
Liga Feminina
| LIGA GALEGA XUVENIL FEMININA GRUPO B |
|---|
Próximas xornadas (21/02)
| Vilalba | - | Cidade das Burgas |
| Ribeira | - | Burela |
| Burela | - | Vilalba |
| Cidade das Burgas | - | Ribeira |
