O Meigallos asegura o liderado tras vencer a un Begonte que foi por diante ata mediada a segunda parte

O Meigallos segue dominando unha semana máis a táboa clasificatoria tras vencer ao Concello de Begonte por un apertado 5-4, pero que lle supón de novo tres puntos máis, na que é a sétima vitoria en 8 xornadas.

Un gran e emocionante partido disputaron os dous equipos xa que o Begonte non puxo as cousas fáciles ao líder, que tamén fallou moitas ocasións. Os sarriaos aproveitaron as contras para sumar goles. 

Empezou o partido con Meigallos atacando e o Begonte defendendo a media pista. Foron os visitantes os que se adiantaron cun gol con fortuna de Anxo que conseguen tras unha xogada individual e un golpeo desde a banda.

O Begonte logrou poñerse por diante de novo, co segundo de Anxo e o dobrete de Rodrigo, nunha contra antes do descanso e na segunda aproveitou dúas perdas dos locais para subir o marcador ata o 1-4. O Meigallos reaccionou aumentando o ritmo e as ocasións, que non entraron ao principio pero cando o fixeron empataron en 3 minutos con 2 golazos de Saúl (un golpeo desde a banda que entra pola escadra e un de tacón) e con outro gol de Gonzalo, que foi o encargado de tirar do equipo.

Cando quedaba 1 minuto e medio o Meigallos sacou porteiro xogador para intentar consolidar a remontada e a falta de 15 segundos Brais logrou marcar o gol da victoria.

O Burela camiña tamén seguro na súa viaxe desta primeira fase e foi contundente unha fin de semana máis vencendo ao Ventorrillo por 7-0. Dous goles na primeira metade marcaron un partido no que os laranxas dominaron.

Consulta aquí a clasificación

O Casás xogou co 5 Coruña un partido de moitas idas e voltas e con moita intensidade, que rematou cun 7-7. A igualdade foi total no marcador. Foron primeiro os do Casás os que se adiantaron pero o empate chegou pronto. Con esta máxima de adiantarse e empatar se mantivo o resto do partido, aínda que foi o 5 Coruña o que ía por diante.

As lesións dos amarelos están pasando factura a un equipo que se enfrontou a un 5 Coruña que acudiu coa formación ao completo. Aínda así os de Nino tiveron a ocasión de levarse a vitoria a falta de 4 segundos nun dobre penalti.

O partido do entre o Vilalba e o Guitiriz, os dous equipos da parte baixa, disputarase o venres ás 19.00 horas.

MEIGALLOS 5 - 4 BEGONTE

CASÁS 7 - 7 5 CORUÑA

BURELA 7 - 0 VENTORRILLO

                Resultados xornada 9

Próxima xornada  

Liga Feminina

Consulta aquí a clasificación

             Próximas xornadas (21/02)