O Casás, novo líder da xuvenil tras golear ao Burela e perder o Meigallos en casa

O Casás é o novo líder do grupo nesta segunda xornada de liga tras superar con claridade ao Concello de Begonte, ao que venceu por 10-5. Na primeira parte o Casás tardou máis en coller ritmo ante un rival que estaba forte fisicamente. Os amarelos puxéronse por diante cedo subindo o 2-0 aos seus minutos.

O Begonte non deixou pasar a ocasión para empatar cun final de primeira parte de infarto no que chegaron a estar empatados a 3 para irse finalmente 4-3 con moitas ocasións para os dous.

Na segunda volveron as ocasións para marcar do Begonte aínda que se quedaron en ocasións e o Casás si sumou goles. Co 5 para catro os chairegos encaixaron un par de tantos nas transicións e a conta foise das mans. Malia que o Casás xogou mellor un resultado tan avultado non reflicte o que pasou na cancha.

O Vilalba tamén venceu na xornada do domingo ao Ventorrillo nun partido con poucos goles. Os locais tiveron que levantar o 0-1 en contra que lucían aos 6 minutos de duelo e antes do descanso xa estaban por diante. Na segunda parte o marcador non se moveu.

Consulta aquí a clasificación

Pola contra, derrota do Meigallos na casa ante o Hércules pola mínima diferenza. Os sarriaos tiñan dous goles en contra no minuto 11 e refixéronse antes da pausa marcando o primeiro. Na segunda metade, o Meigallos logrou un empate que daba moitas opcións pero no último minuto o Hércules marcou o tanto da vitoria.

MEIGALLOS 2 - 3 HÉRCULES

 VILALBA 2 - 1 VENTORRILLO

CASÁS 10 - 5 BEGONTE

                       Resultados xornada 2    

                       Próxima xornada