Grupo 1º
Xa se prometía que se sería un duelo emocionante o que ían disputar os dous lugueses que pelexan polo título, o Burela e o Meigallos que se disputaron no Vista Alegre o liderado do grupo que queda agora nas mans do equipo laranxa.
Partido moi igualado e emocionante onde calquera dos dous equipos puido gañar pero que se decantou do lado do Burela. A primeira parte rematou 2-2 xa que os laranxas adiantáronse en dúas ocasións pero o Meigallos non se quedou atrás. Na segunda parte foron os sarriaos supereiores pero o Burela tivo máis efectividade con dous goles de balón parado. O Meigallos tivo ocasións pero non as aproveitou e o resultado final foi 4-3.
BURELA 4 - 3 MEIGALLOS
Os Meigallos FS: Saúl T, Brais (1), Gonzalo (1), Pablo (1), Borja, Álex, Adrián, Iago, Xoel e Saúl F.
Cancha: Vista Alegre.
LIGA GALEGA XUVENIL GRUPO 1º |
---|
Resultados xornada 3
Bueu | A | Carballiño |
Burela | 4-3 | Meigallos |
Hércules | 7-0 | Redondela |
Próxima xornada
Hércules | - | Carballiño |
Meigallos | - | Bueu |
Redondela | - | Burela |
Grupo 2º
O Vilalba ponse en cabeza do seu grupo co permiso do Begonte, que descansou esta fin de semana e polo tanto ten un partido menos. O conxunto chairego bateu ao Marín por 6-3 tras dez minutos iniciais nos que foi claramente superior, cun parcipal de 4-0. Baixou un pouco o pistón a patir de aí pero aínda fixo na primeira parte dous goles máis por dous do rival.
A segunda foi máis de seca e só quedou un último tanto para completar o 6-3 co que se rematou.
VILALBA 6 - 3 MARÍN
Aceites Abril Marín Futsal: Antón, Cristian, Edgar (3), Marcos, Hugo, Joel, Manuel e Mateo.
Cancha: Municipal de Vilalba.
LIGA GALEGA XUVENIL GRUPO 2º |
---|
Resultados xornada 3
Vilalba | 6-3 | Marín |
Begonte | D | Pecheches |
Próxima xornada
Begonte | - | Pecheches |
Marín | D | Vilalba |
Grupo 3º
O Casás logrou a primeira vitoria desta segunda fase ás costas do Guitiriz polo que os dous equipos quedan empatados no centro da clasificación.
Dominaron os de Nino o duelo e contaron, esta vez si, cunha gran porcentaxe de acerto e finalización, algo do que adoleceron nos últimos partidos malia xogar ben. Os dous goles nos primeiros cinco minutos non lles sentaron ben aos locais que reaccionaron pero non foi suficiente. No descanso o Casás xa estaba 2-4 e xusto á volta volveron coller o camiño da portería rival para levantar o resultado ata o 2-9 final.
GUITIRIZ 2 - 9 CASÁS
Club Polideportivo Casás: Raúl, Sami (1), Iván, Alberto, Diego (4), Alonso (3), Pablo, Jorge e Manuel (1).
Cancha: Jonathan Carro.
LIGA GALEGA XUVENIL GRUPO 2º |
---|
Resultados xornada 3
La Peña | 6-3 | Sala Ourense |
Guitiriz | 2-9 | Casás |
Ventorrillo | 7-4 | Campito |
Próxima xornada
Ventorrillo | - | Sala Ourense |
Casás | - | La Peña |
Campito | - | Guitiriz |
Liga Feminina
O Burela disputará o 1 de maior as semifinais do campionato de Liga na súa Fase Final. Será o único representante da provincia.
LIGA GALEGA FEMININA - FASE FINAL |
---|
Semifinais (1/05)
Bembrive | - | Narón |
Burela | - | Poio |