O Ribeira e o Acasti Reformas pasan a oitavos de Copa tras vencer a eliminatoria da fin de semana

COPA INFANTIL

Na sesión de eliminatorias da categoría infantil, o Ribeira e o Acasti Reformas obtiveron o seu pase a oitavos de final de Copa, que terá lugar a finais do mes de abril.

O Ribeira foi totalmente superior ao seu rival, o Lago, ao que asoballou cun 8-1 no marcador. O equipo lugués foi de menos a máis e no descanso tiña marcados dous goles. O primeiro tanto ao regreso de vestiarios foi o do Lago, ao que contestou con catro goles máis en catro minutos e xa non quedaron dúbidas.

O Acasti Reformas pasou tamén á seguinte fase cunha vitoria sobre o Stellae por 3-1. Os brancos comezaron perdendo cun gol madrugador do rival pero no intermedio xa estaban por diante (2-1) e remataron o resultado a tres minutos do final.

O Casás caeu co Alto do Vento lastrado por unha primeira parte na que non competiron ben. Na segunda intentaron remontar pero chegaron tarde ao partido xa que ademais regalaron o terceiro do rival, antes de poder abrir o marcador propio.

Tamén caeu o Meigallos ante o Ventorrillo por 2-4 malia que o equipo local foi o dominador do primeiro tempo, que finalizou cos sarriaos por riba cun 2-0. Na segunda comezaron pronto a remontada e co empate no marcador estiveron ata dous minutos antes de terminar, cando o Ventorrillo marcou seguidos os dous goles que deixaban marchar os tres puntos para os de Sarria.

CASÁS 2 - 3 ALTO DO VENTO

RIBEIRA 8 - 1 LAGO

ACASTI REFORMAS 3 - 1 STELLAE

MEIGALLOS 2 - 4 VENTORRILLO 

           Resultados previa

Liga Feminina

Todo está preparado para a Primeira Fase da Galega Infantil, que se disputará en dous grupos a partir da próxima fin de semana. No primeiro competirán o Dental Arias e O Castro, que se enfrontarán entre eles na primeira sesión. No segundo estará o Ribeira que xogarán neste primeiro día ante o Lago.

Consulta aquí a clasificación

           Primeira xornada

           Primeira xornada