O Burela, único supervivente da Copa masculina trala derrota de Meigallos e Begonte

O Burela é o único equipo que sobrevive na competición de Copa trala derrota esta fin de semana de Meigallos e Begonte. Anteriormente, o Ribeira retirouse e caeron derrotados o Keeper Galicia e o Casás.

O Burela xogou un partido moi cómodo, que controlou de principio a fin e só a falta de puntería fixo que o marcador non fose máis amplo, en especial na primeira metade, que rematou 2-0. Os rivais eran flouxos a nivel táctico, máis centrados no fútbol campo.

Iago López volveu facer unha gran actuación marcando 4 dos goles, os outros dous foron un dobrete de do Cidade de Narón.

Para o Concello de Begonte, despois de conseguir a permanencia, que era un obxectivo moi difícil, o equipo disputou a Copa con moitas ganas.

Malia que non acadaron a vitoria, xa que caeron 4-6 co 5 Coruña, o equipo fixo un gran papel dando a cara contra un equipo de División de Honra. Os chairegos foron ao descanso co marcador por diante pero a segunda parte foi máis difícil manter o resultado xa que frouxearon e dous erros en defensa fixeron que o partido rematase co marcador en contra.

Tamén queda apeado o Meigallos, que caeu co Hércules 3-7. O rival dominou a primeira parte levándose un parcial de 1-4 ao descanso, co gol dos sarriaos xusto antes da pausa. Na segunda estivo algo máis igualada a contenda pero o Meigallos non puido levantar a fenda que tiña en contra.

O Hércules aproveitou ben as súas ocasións e o Meigallos non fixo o seu mellor partido. Empezaron ben, creando ocasións claras e apertando ao rival. O primeiro gol do rival procede dunha xoganda na que se leva un do Hércules o balón coa man e o árbitro non ve nada.

O 0-2 foi unha xogada a balón parado e aí foi o tempo no que o Meigallos de veu abaixo ata que encaixou o 0-4. Unha xogada colectiva foi a responsable do gol antes do descanso pero na segunda o Hércules aproveitaron moi ben os espazos e as contras e xa non houbo partido.

MEIGALLOS 3 - 7 HÉRCULES

BURELA 6 - 0 NARÓN

BEGONTE 4 - 6 5 CORUÑA

                 Xornada de dezaseisavos 

 Xornada de oitavos (7/05)

Feminina

Esta fin de semana xogáronse os cuartos de final do campionato de Copa. O Castro ten o seu pase directo ás semifinais pero o Burela aprazou o duelo ata o día 19 deste mes.

Tamén se disputaron esta fin de semana o partido de ida das semifinais da Liga, que se aprazaron do 23 de abril. O Castro empatou a domicilio co Morrazo de Moaña por 3-3.

O Castro comezou perdendo o partido cun gol madrugador e outro en propia porta pero antes do descanso comezou a pechar a fenda. Á volta de vestiarios igualou o marcador e púxose por diante minutos despois pero pouco antes do final o equipo e Moaña marcou o gol do empate. Gran actuación de Mencía, que marcou os tres goles do Castro.

              Cuartos

MORRAZO 3 - 3 CASTRO

              Semifinal ida 

 Semifinal volta