Os tres equipos da provincia na categoría xogaron a penúltima xornada de liga sen sacar de renda ningún punto.
O Casás, que pase o pase na útlima sesión será cuarto, cae ante o Narón por un abrumador 0-7. En ningún momento estiveron os de Nino no partido e malia que melloraron na segunda metade, non foron capaces nin de abrir o marcador.
Derrota tamén avultada para o Begonte, que caeu na casa contra o Betanzos por 3-10 o que deixa ao equipo ao bordo do descenso, que se xogará a próxima fin de semana, na última sesión. Os chairegos buscarán en Sarria os tres puntos que lles asegurarían a permanencia sempre e cando o Parrulo B gañe.
Partido moi desigual no que os de Begonte abriron a conta dos goles no minuto 8 e así estiveron ata o 20'. O Betanzos, por medio de Jaime, deulle a volta ao marcador en cinco minutos para poñelo 1-5. Na segunda parte seguiron abrindo fenda os visitantes sen dar moitas opcións aos locais.
O Meigallos, xa descendido, fixo un bo partido, pero acabaron perdendo co Parrulo, seguindo a tónica xeral desta tempada. Os de Sarria empezaron nervosos e iso les levou a encaixar o primeiro tanto. Empataron os de Éric cun gran gol pero antes do descanso xa volvían estar por debaixo.
Á volta de vestiarios volveron empatar e comezou un tempo de dominio no que houbo moitas opcións de gol que non atoparon o oco entre os tres paus. Nunha xornada polémtica, cunha man, entra o terceiro gol do Parrulo e despois o cuarto. Os sarriaos saíron con porteiro xogador e así marcaron o terceiro pero xa non houbo tempo para máis.
CASÁS 0 - 7 NARÓN
Cidade de Narón: Iván, Diego (1), Brais (2), Íker (1), Edgar (1), Santiago, Gabriel, Matías (1), Nicolás e Sergio (1).
Cancha: Somos Fútbol.
BEGONTE 3 - 10 BETANZOS
Troula Betanzos FS: Miguel, Yago (2), Pablo (1), Andrés, Simón, Álvaro, Javier V, Brais, Javier L (1), Pablo, Jaime (4) e Bruno (2).
Cancha: Municipal de Baamonde.
PARRULO B 4 - 3 MEIGALLOS
Os Meigallos FS: Álex, Jesús, Óscar, Xoel, Tomás, Alonso, Gael (2), Nicolás e Íker. Un en propia porta do rival.
Cancha: O Chanto.
LIGA GALEGA CADETE NORTE |
---|
Resultados xornada 25
Lago DVSport | 9-0 | Compañía María |
Colegio Liceo | 8-3 | 5 Coruña B |
Casás | 0-7 | Narón |
Begonte | 3-10 | Betanzos |
Parrulo B | 4-3 | Meigallos |
Hércules | 4-6 | Fisober |
D | Noia |
Próxima xornada
5 Coruña B | - | Lago DVSport |
Narón | - | Colegio Liceo |
Noia | - | Casás |
Meigallos | - | Begonte |
Fisober | - | Parrulo B |
Compañía María | - | Hércules |
D | Betanzos |
Copa Feminina
O Castro e o Burela disputarán hoxe o último partido de Copa, antes de xogar a próxima fin de semana a fase final do campionato de Liga. O Castro gañe ou perda entraría na fase final como segundo clasificado xunto ao Amarelle, que xa terminou e que está primeiro. O Castro podería empatar a puntos co Amarell e habería que ir ao gol average para establecer o campión de grupo.
COPA GALEGA CADETE FEMININA NORTE - 1º FASE |
---|
Resultados xornada 6
Castro | A | Burela |
D | Amarelle |
CAMPIONATO DE LIGA - FASE FINAL |
---|
Semifinal ida (23/04)
Moaña | - | Castro |
Amarelle | - | Poio |