Abrumadora goleada do Casás e enfado do Meigallos, que mereceu gañar pero lle faltou efectividade

O Casás suxeita o posto de bronce da clasificación cunha abrumadora vitoria sobre o 5 Coruña B. 10-1 foi o resultado co que pecharon a sesión o domingo no pabillón dos Deportes.

Malia o resultado, aos amarelos costoulles entrar no partido pero unha vez que se activaron, comezou a choiva de goles con grandes transicións ofensivas e aproveitando ben as superioridades. 3-1 era o resultado no intermedio, que se ralentizou na primeira queda da segunda metade. No final aproveitaron para subir o 6-1 a un 10-1 en poucos minutos.

Derrota dos outros dous equipos da provincia. O Meigallos caeu ante o Hércules nun partido que mereceu gañar polo seu xogo pero no que a falta de acerto na porta lastrou o resultado. O rival converteu as poucas ocasións que tivo e iso marcou a difereza nun duelo no que o seu pivot Miguel e o porteiro estiveron moi por riba dos seus compañeiros.

Consulta aquí a clasificación

Tanto na primeira parte como na segunda o Meigallos foi mellor. Aguantou o resultado ata o final da primeira, cando o rival meteu dous tantos en cinco minutos, resultado co que se foi ao descanso. Nada máis comezar a segunda meteron o terceiro e o Meigallos lanzouse á remontada pero o balón non quixo entrar. Cando quedaban 5 minutos optaron por porteiro xogador e entonces si entraron dous goles.

Cando pelexaban polo empate, na última xogada o Hércules meteu o cuarto. 

O Begonte caeu co líder, o Noia, por 3-6. Moi bo partido do equipo chairego, que falou de ti a ti co primeiro do grupo. Foi o primeiro en marcar e malia que o visitante empatou e se puxo por diante, no descanso o electrónico parouse en 2-3. Foi na segunda cando abriron fenda ata o 2-6 pero recuperaría distancias o Begonte a dous minutos do final co 3-6 co que remataron.

CASÁS 10 - 1 5 CORUÑA B

BEGONTE 3 - 6 NOIA

HÉRCULES 4 - 2 MEIGALLOS

                 Resultados xornada 11 

                    Próxima xornada   

Liga Feminina

Pouco tivo que dicir este domingo o Burela co Amarelle, líder absoluto da lista. Aguantaron ben las laranxas o envite e foron ao descanso co 0-2. Os outros dous tantos viñeron nunha segunda parte na que o equipo coruñés seguiu amosando que non sabe máis que gañar.

BURELA 0 - 4 AMARELLE

Consulta aquí a clasificación

          Resultados xornada 6