Dura sesión para o Casás esta fin de semana, que perdeu ante o Colegio Liceo e deixa a posición de prata da táboa despegándose do líder, o Noia.
Na primeira parte decepcionaron un pouco os amarelos, que non xogaron como teñen acostumbrado e protestaron moito o que trouxo unha vantaxe para o equipo visitante que se foi no resultado ata o 0-3, que sería 1-3 xusto antes da pausa.
Na segunda encaixaron xusto no reinicio de penalti pero comezaron unha remontada que se quedou sen tempo para completarse. Chegaron ao 5-6 e a piques estiveron de empatar pero a falta de acerto volveu ser a responsable da derrota.
Resultado axustado tamén para o Begonte, pero neste caso con vitoria, 4-3 ante o 5 Coruña. Meteron un primeiro tanto os coruñeses moi madrugador, pero o Begonte comezou unha remontada que pasou polo descanso sendo 2-1.
Anxo foi o responsable dos catro goles chairegos e tras marcar tivo que ver como o seu equipo non se marchaba con traquilidade e o rival achegábase peligrosamente. Pelexa para terminar a sesión e reparto de vermellas, pero vitoria dos locais.
O Meigallos tamén puntuou, nesta ocasión cun empate co Compañía de María. Sesión espectacular para os sarriaos que remontaron un partido nos últimos 50 segundos.
Malia ese 2-0 que figurou no marcador dende o minuto 25, foi un duelo moi reñido no que o gol foi moi esquivo. Finalmente, no 5 para 4 o Meigallos logrou o empate nun contraataque e cun tiro fóra da área, nun intervalo de 20 segundos.
CASÁS 5 - 6 COLEGIO LICEO
Colegio Liceo: Brais, Enzo (2), Roi (1), Pablo, Alejandro, Iago, Asier (3), Xosé e Diego.
Cancha: O Palomar.
BEGONTE 4 - 3 5 CORUÑA B
Academia 5 Coruña FS: Xoel Mateo (2), Nico, Lucas (1), Javier, Pablo, Sergio, Iago e Alejandro.
Cancha: Municipal de Baamonde.
COMPAÑÍA DE MARÍA 2 - 2 MEIGALLOS
Os Meigallos FS: Álex, Jesús, Sergio, Xoel (1), Tomás, Daniel (1), Alejandro e Íker.
Cancha: Compañía de María.
| LIGA GALEGA CADETE NORTE |
|---|
Resultados xornada 9
| Casás | 5-6 | Colegio Liceo |
| Begonte | 4-3 | 5 Coruña B |
| Parrulo B | 1-5 | Narón |
| Hércules | 3-6 | Noia |
| Fisober | 7-1 | Betanzos |
| Compañía María | 2-2 | Meigallos |
| D | Lago DVSport |
Próxima xornada
| Colegio Liceo | - | Compañía María |
| Lago DVSport | - | Casás |
| Narón | - | Begonte |
| Noia | - | Parrulo B |
| Betanzos | - | Hércules |
| Meigallos | - | Fisober |
| D | 5 Coruña B |
Liga Feminina
Vitoria do Castro, a segunda nesta cuarta xornada de liga, que levou ao equipo chairego a Burela. Moita igualdade entre os dous equipos, que se mantivo ata avanzada a segunda parte, cun empate a 3 no marcador. Logo, o Castro collería a senda da vitoria para marcar tres goles.
BURELA 3 - 6 CASTRO
FSF Castro Carnemax: María, Mencía (1), Mara (1), Antía (1), Irene (1), Aroa, Marta, Carla (2), Emma e Lucía.
Cancha: Monte Castelo.
| LIGA GALEGA CADETE FEMININA NORTE |
|---|
Resultados xornada 4
| Burela | 3-6 | Castro |
| D | Amarelle |
Próxima xornada
| Amarelle | - | Castro |
| D | Burela |
