O Casás volveu vencer esta fin de semana na categoría cadete e fíxoo con contundencia ante o Parrulo B. Con este resultado mantén a segunda praza na táboa a un punto de distancia do líder, o Noia, e co Fisober (cun partido menos) con opcións a levarse esta praza.
Aínda así, disputaron un novo duelo no que a vitoria foi a seña de identidade deste equipo que leva catro vitorias e só perdeu ante o Fisober na xornada 3. Seguen polo tanto na boa liña, aprendendo tácticas e tamén como funciona a categoría. Partido cómodo no que se puxeron rápido por diante, co 0-2 no minuto 7 e 0-3 no 16', resultado co que foron ao descanso. Á volta, o rival marcaría o seu pero Jorge rematou o cuarto no 37'.
O Meigallos pola contra perdeu ante o 5 Coruña B por 3-5, malia facer un bo xogo, aínda que se pagaron caros os erros do porteiro.
Os sarriaos encaixaron un gol ao inicio do partido pero non se desanimaron e lograron repoñerse e levantar o resultado ata o 3-1, pero xusto antes da pausa o rival achegouse.
A segunda parte estivo igualada ata que nun minuto fatídico o 5 Coruña marca un gol e ponse por diante na seguinte xogada.
O Meigallos defendeuse con porteiro xogador e protagonizou varias ocasións que non aproveitou pero foi o rival o que marcou o quinto e último. O Meigallos mantén a novena praza mentres que o Begonte, que non xogou, cae á oitava.
MEIGALLOS 3 - 5 5 CORUÑA B
Academia 5 Coruña FS: Sergio, Anxo (1), Daniel, Javier (2), Lucas (1), Xoel, Sabino, Mateo (1), Javier, Antonio e Guillermo.
Cancha: José Mario González.
PARRULO B 1 - 4 CASÁS
Club Deportivo Casás: Pablo Carballo, Jesús, Hugo, Marcos (1), Manuel, Xurxo, Jorge (1), Pablo Cabaleiro (1), Héctor (1) e Unay.
Cancha: Ensanche.
LIGA GALEGA CADETE NORTE |
---|
Resultados xornada 5
Parrulo B | 1-4 | Casás |
Hércules | 1-12 | Colegio Liceo |
Fisober | 10-3 | Lago DVSport |
Meigallos | 3-5 | 5 Coruña B |
Betanzos | 0-0 | Narón |
Compañía María | 0-6 | Noia |
D | Begonte |
Próxima xornada
Casás | - | Begonte |
Colegio Liceo | - | Parrulo B |
Lago DVSport | - | Hércules |
5 Coruña B | - | Fisober |
Narón | - | Meigallos |
Noia | - | Betanzos |
D | Compañía María |
Liga Feminina
Arrancou a Liga regular na categoría feminina para o grupo norte, onde xogan Castro e Burela trala retirada do Ribeira. Enfrontamento entre ambos os dous equipos nesta primeira sesión, que deixou como gañador e, polo tanto líder, ao Castro tralo 6-2.
Abriu o marcador un gol en propia porta do Castro, que reaccionaría ao momento para sumar o empate. A partir do ecuador deste primeiro tempo as locais puxeron distancia ata o 4-1 co que foron ao descanso. Á volta, marcou o Burela pero rapidamente foi contestado polo Castro con dous tantos máis, un deles no último minuto.
CASTRO 6 - 2 BURELA
Pescados Rubén Burela FS: Lola, Claudia R, Nerea (1), Iria, Laura, Claudia P, Fátima e Martina. Un en propia do rival.
Cancha: Municipal Castro Ribeiras de Lea.
LIGA GALEGA CADETE FEMININA NORTE |
---|
Resultados xornada 1
Castro | 6-2 | Burela |
D | Amarelle |
Próxima xornada
Castro | - | Amarelle |
D | Burela |