Os tres equipos lucenses conseguen levarse a vitoria na segunda xornada

A segunda xornada da Galega alevín deixou un bo balance para os equipos lucenses, xa que os tres conxuntos se levaron a vitoria. O Acasti Reformas encabeza a clasificación despois de superar ao Esteo nun partido de moita intensidade. Na primeira metade ambos os dous equipos tiveron ocasións, pero os lucenses abriron o marcador no minuto17 cunha falta directa á beira da área. Dous minutos despois empataba o equipo local e co 1-1 foise o duelo ao descanso.

No segundo tempo o Lugo comezou a chegar con perigo ata adiantarse no marcador. Porén, o Esteo volveu poñer as táboas o encontro. A falta de dous minutos para rematar o partido os lucenses volveron adiantarse para levarse así os tres puntos.

No segundo posto da clasificación está polo momento o Ribeira, que tamén asinou o segundo triunfo consecutivo.  Os lucenses recibiron no Palomar ao Narón O Freixo e o duelo comezou igualado. Abriu o marcador o equipo local, pero ao pouco empataron os visitantes. Porén, o Ribeira foi crecendo e fóronse ao descanso 4-1. O Narón volveuse achegar co 4-2, pero os locais fixéronse co partido rematando cun resultado de 8-2.

O Casás conseguiu a primeira vitoria do curso contra o Santa Mariña A. O equipo lucense abriu o marcador no minuto catro e controlou en todo o momento o partido. Ao descanso o resultado era de 1-3 e na segunda parte conseguiron asinar dous tantos máis.

Consulta a clasificación aquí

RIBEIRA 8 - 2 NARÓN O FREIXO

SANTA MARIÑA A 1 - 5 CASÁS

O ESTEO 2 - 3 ACASTI REFORMAS