O Castro feminino clasifícase para a fase final como líder tras vencer ao Ribeira en partido adiado

Boa xornada para os equipos da provincia, que sacaron de renda puntos, agás o Meigallos, que non xogou e o que necesita máis para saír da zona baixa.

O Casás goleou sen piedade ao Colegio de Liceo e parou o marcador en 2-9. Xogábanse os amarelos a opción de continuar na categoría e aprobaron con nota, xa que competiron ao mellor nivel e xogaron dándoo todo. Deberán seguir pelexando catro xornadas máis por manterse fóra do grupo de descenso.

Costoulles un poco arrancar sendo o minuto 15 o que marcou un antes e un despois. Levaban dous goles no bolso cando marcaron en rápida sucesión en catro minutos para poñerse 1-6. Á volta, o rival marcou de novo pero o Casás continuou co seu arreón ata o 2-9 do final.

Consulta aquí a clasificación

O Ribeira tivo máis complicada a vitoria pero sumou tamén os tres puntos situado no medio da táboa ,nun lugar de máis tranquilidade, xa que practicamente ten asegurada a permanencia. Venceu por un gol ao Hércules na casa. Os tres goles foron seguidos cinco minutos antes do intermedio e o marcador non se moveu máis.

O Acasti Reformas, que empatou co 5 Coruña, un dos equipos que compite polo título, ten a súa permanencia asegurada hai unhas xornadas e malia o seu traballo, ten lonxe a zona da cabeza, na que se xogará o título na segunda fase.

Moita igualdade no duelo, no que o equipo branco abriu a caixa dos goles pero foron empatados a un dende o minuto 9 ata o 34, cando o Acasti se adiantou. Dous minutos antes do final un penalti puxo o empate no marcador.

RIBEIRA 2 - 1 HÉRCULES

5 CORUÑA 2 - 2 ACASTI REFORMAS

COLEGIO LICEO 2 - 9 CASÁS

                 Resultados xornada 22

 Próxima xornada   

Liga Feminina

Finalizou a fase de liga regular coa disputa do partido pendente entre Ribeira e Castro, no que a vitoria foi para os chairegos, que se sitúan definitivamente no alto da táboa e entran a disputar a fase final no mes de maio.

Foron dominadoras as do Castro, que aos doce minutos xa tiñan 3 goles no peto, os mesmos que no intermedio. Comezou a segunda parte coa remontada do Ribeira, que marcou dous goles seguidos, pero reaccionou o Castro con dous tantos máis para asegurar a vitoria.

Deste modo, o Castro queda primeiro de grupo con 10 puntos, de tres vitorias e un empate ,e o Ribeira, segundo, con 7 puntos, tras dúas vitorias, un empate e unha derrota.

RIBEIRA 2 - 5 CASTRO

Consulta aquí a clasificación

Última xornada                                          

 Eliminatoria Liga (1/05)