O Ribeira segue traballando para asegurar a súa salvación na categoría e esta fin de semana sacou de renda un punto do seu enfrontamento co Club del Mar.
Partido moi igualado para os dous equipos que se mantiveron á par durante todo o duelo aínda que os lucenses foron os que colleron vantaxe en todas as ocasións. Empezaron cun gol de penalti e ao minuto seguinte xa estaban 0-2 aínda que xusto antes do descanso dous goles seguidos do equipo local deixaron o empate a dous durante o intermedio e ata os últimos minutos. O Ribeira púxose por diante de novo pero a falta de segundos empatou o Club del Mar.
Nova derrota do Meigallos ante o Ventorrillo por 1-4. Aínda que o equipo de Sarria aguantou o envite durante os primeiros minutos acabaron indo ao descanso con dous goles en contra. Non tardaría o terceiro e de seguido marcou o local pero non foi suficiente. A falta de 4 minutos para o remate do duelo, o Ventorrillo meteu o cuarto.
A xornada quedou un pouco descafeinada xa que o Casás tivo desacanso e o Acasti Reformas tivo que suspender o duelo co Esteo por condensación no pavillón do Palomar.
CLUB DEL MAR 3 - 3 RIBEIRA
Ribeira FS: Sergio, Ignacio (1), Daniel (1), Ángel, Hugo A (1), Matías, Hugo F, Pedro e Bruno.
Cancha: Club del Mar.
MEIGALLOS 1 - 4 VENTORRILLO
Distrito Ventorrillo FS: Alejandro, Nicolás, Jorge, Mauro, Hugo (1), Enzo, Gustavo (1), Daniel (1), Lucas (1), Pedro e Naim.
Cancha: O Chanto.
LIGA GALEGA ALEVÍN NORTE |
---|
Resultados xornada 21
Stellae | S | Colegio Liceo |
Acasti Reformas | S | O Esteo |
Parrulo A | 0-0 | 5 Coruña |
Hércules | 3-4 | Narón |
Club del Mar | 3-3 | Ribeira |
Meigallos | 1-4 | Ventorrillo |
D | Casás |
Próxima xornada
Colegio Liceo | - | Casás |
O Esteo | - | Stellae |
5 Coruña | - | Acasti Reformas |
Narón | - | Parrulo A |
Ribeira | - | Hércules |
Ventorrillo | - | Club del Mar |
D | Meigallos |
Liga Feminina
O último partido que queda por disputarse da liga alevín feminina foi aprazado para o 18 de marzo, sábado.
Será o duelo entre o Ribeira e o Castro. Ambos os dous equipos están empatados a puntos (7), vitorias (2) e empates (1) e coas mesmas xornadas disputadas. Polo tanto, o partido será decisivo para ver quen se leva finalmente o título, xa que agora mesmo é o Castro o que está por riba por diferenza de goles.
LIGA GALEGA ALEVÍN FEMININA GRUPO C |
---|
Última xornada
Ribeira | 18-03 | Castro |