O Acasti Reformas caeu esta fin de semana ante o Stellae, un dos equipos fortes da competición e fíxoo cun avultado marcador de 5-1. Aos brancos penalizáronlle os erros e a falta de eficacia na porta rival porque non estivo por debaixo en xogo.
De feito, ao local costoulle abrir a conta e fíxoo aso poucos do intermedio con dous tantos. Os outros tres serían tamén espaciados ao longo dunha segunda parte anodina. Sobre a bucina, o Acasti Reformas marcou o gol de honra.
Duro rival tamén para o Meigallos, que se enfrontaba, dende a parte baixa da clasificación, ao terceiro, o 5 Coruña. Caeron os de Sarria pero non o fixeron mal xa que foron eles os que abriron o marcador, aínda que o local empatou antes da pausa. Tralo paso por vestiarios o 5 Coruña marcou dous goles rápido e co 3-1 mantívose tranquilo e dominando o duelo para meter o último a tres minutos do final.
O Casás tivo como rival ao líder, o Parrrulo A, ante o que caeu de forma abrumadora por 1-8. Malia o resultado, o Casás fixo unha gran primeira parte na que tivo moitas opcións e non se deixou pisar, pero o marcador non foi tan equilibrado e no descanso xa lucía un 1-3 inxusto para o que se vía na cancha.
Na segunda parte os pequenos do Casás volveron adolecer de fortaleza física pola xuventude dos xogadores, case todos de primeiro ano, e o Parrulo aproveitou para pasarlles por riba e subir o marcador ata o 1-8 do final, que era 1-6 a falta dun minuto.
STELLAE 5 - 1 ACASTI REFORMAS
ADC Lugo Sala Acasti Reformas: Asier, Roi, Xoel, Mateo, Álex, Alan, Pablo A (1), Yeray, Alexia e Pablo P.
Cancha: Grupo Escolar.
5 CORUÑA 4 - 1 MEIGALLOS
Os Meigallos FS: Joel, Izan L (1), Izan V, Yago R, Alejandro R, Jorge, Diego A, Xoel, Diego T, Rodrigo, Miguel e Yago B.
Cancha: San Francisco Javier.
CASÁS 1 - 8 PARRULO A
Peluquerías Vero's O Parrulo A: Gabriel, Gael M, Rubén, Carlos (2), Gael A (3), Iago, Daniel (2), Hugo, Íker L (1), Ímer V e Marco.
Cancha: O Palomar.
| LIGA GALEGA ALEVÍN NORTE |
|---|
Resultados xornada 18
| Stellae | 5-1 | Acasti Reformas |
| Casás | 1-8 | Parrulo A |
| Colegio Liceo | 7-1 | Hércules |
| O Esteo | 9-2 | Club del Mar |
| 5 Coruña | 4-1 | Meigallos |
| Narón | 6-2 | Ventorrillo |
| D | Ribeira |
Próxima xornada
| Acasti Reformas | - | Casás |
| Parrulo A | - | Colegio Liceo |
| Hércules | - | O Esteo |
| Club del Mar | - | 5 Coruña |
| Meigallos | - | Narón |
| Ventorrillo | - | Ribeira |
| D | Stellae |
Liga Feminina
Este sábado recuperouse o partido pendente da xornada 3 de categoría Galega alevín feminina. Enfrontáronse no Municipal de Lugo o Ribeira e o Burela para darlle a vitoria claramente ao equipo local por 5-1. As de Lugo ocupan o medio dunha táboa onde do Castro lidera. Tanto estas como o líder están invictas.
As locais asentaron o primeiro gol no primeiro minuto, para que non houbese dúbidas. Aos dez minutos xa tiñan tres tantos e completaron o electrónico ata o 5-1 no minuto 19, cando o Burela marcou o seu, que foi o último do partido.
O día 21 terán o último partido, que será o duelo Ribeira-Castro xa que o previsto para a mesma data Burela-Ribeira adiantouse ao último venres. No segundo partido tamén o Ribeira foi vencedor pero con outro marcador, 2-7 no Vista Alegre.
Comezaron cedo a conta, cun dos catro goles de Alma e malia que empatou rápido o Burela, o Ribeira colleu marcha e chegou á pausa 1-4, que sería 1-5 xusto á volta de vestiarios. Volveu marcar o local pero o visitante sumou dous máis ante do final
RIBEIRA 5 - 1 BURELA
Pescados Rubén Burela FS: Mía, Paula, Andrea, Henar, Lucía O, Emma, Valeria, Lucía M e Adriana (1).
Cancha: Municipal de Lugo.
.
BURELA 2 - 7 RIBEIRA
Ribeira FS-Lieders: Daniella, Nerea (2), Alma (4), Shaila, Cira, Helena (1) e Carmen.
Cancha: Vista Alegre.
.
| LIGA GALEGA ALEVÍN FEMININA GRUPO C |
|---|
Resultados xornada 3 e 6
| Ribeira | 5-1 | Burela |
| Burela | 2-7 | Ribeira |
Próxima xornada
| Ribeira | (21/02) | Castro |
