O Casás aporta os tres únicos puntos para a provincia, tras vencer ao colista do grupo

O Casás foi o único equipo da provincia que aportou puntos esta fin de semana e fíxoo cunha vitoria sobre o Club del Mar San Amaro, colista do grupo.

Os pequenos seguen mellorando e facendo un fútbol sala colectivo que os levou a unha vitoria contundente e con moita superioridade.

Os de Nino dominaron o marcador sen dar tregua rematando o primeiro tempo cun 3-0. Chegaron na segunda ao 5-0 pero no último minuto entraron dous goles do rival.

O Meigallos estivo moi preto da vitoria co Colegio Liceo, equipo co que comparte zona na clasificación xeral. Os de Sarria entraron pronto no partido cun gol no minuto 4 e lideraron o marcador ata o 1-3 a dous minutos da pausa. O Liceo recuperou fenda antes do pitido pero na segunda o Meigallos volveu irse adiante. O cansazo fixo o seu e o Colegio Liceo chegou ao empate a 4, que volvería ser a 5 goles a tres minutos do final. 

Na loita pola vitoria esta caeu para o Colegio Liceo, que marcou o gol da vitoria segundos antes da bucina, sendo a única vez que estivo diante no marcador.

Consulta aquí a clasificación

O Ribeira perdeu a domicilio co 5 Coruña por 3-1. Nesta ocasión o local foi claramente dominador do duelo, sobre todo na primeira metade, que pechou cun 3-0. O Ribeira non tería oportunidade de marcar ata o tramo final.

O erros marcaron a derrota do Acasti Reformas na casa ante o Parrulo. Aínda que había igualdade no xogo, o equipo branco non conseguía aproveitar as ocasións, o que si facía o rival, que chegou á pausa cun 0-2 de vantaxe.

Na segunda, con menos vistosidade, os erros foron maiores e axudaron a que o Parrulo marcase. Ao final, derrota por 1-3.

ACASTI REFORMAS 1 - 4 PARRULO

CASÁS 5 - 2 CLUB DEL MAR

COLEGIO LICEO 6 - 5 MEIGALLOS

5 CORUÑA 3 - 1 RIBEIRA

                 Resultados xornada 16

   Próxima xornada

Liga Feminina

Consulta aquí a clasificación

           Próxima xornada