A categoría remata o ano e a primeira volta da competición ligueira cos equipos da provincia situados na parte media da táboa.
A última xornada rematou cun dobre derbi no que Acasti Reformas venceu cómodo ao Meigallos e o Casás e Ribeira pelexaron duramente polos tres puntos.
O equipo branco é o mellor situado na táboa, ocupa a sexta posición. Venceu cun marcador de 6-1 ao Meigallos tras unha primeira parte na que foi superior. Un dobre de Roi (que sería hat trick ao final) abriu a conta para o Acasti Reformas, que xa estaba 4-0 no descanso.
Á volta meteron rápido o quinto e o Meigallos aproveitou para acurtar distancias. Finalmente Roi sería o encargado de pechar a conta a dous minutos do final. Quedan os sarriaos na posición 11.
Moito máis apertado foi o duelo entre Casás e Ribeira. Os ribeiraos, que quedan na sétima praza, volveron a casa co 1-2. Os amarelos tiveron máis oportunidades pero faltoulles efectividade na porta e ao final o Ribeira levouse os tres puntos tras un partido no que o empate estivo moi presente. Os dous primeiros goles, un para cada un, foron a cinco minutos do intermedio, os dous seguidos e o que supuxo a vitoria do Ribeira entrou no 32'.
O Ribeira pasa ao novo ano na oitava posición e o Casás na décima.
ACASTI REFORMAS 6 - 1 MEIGALLOS
Os Meigallos FS: Jorge, Diego A, Xoel, Izan R, Alejandro (1), Joel, Izan L, Diego, Rodrigo, Yago R, Miguel e Yago B.
Cancha: O Palomar.
CASÁS 1 - 2 RIBEIRA
Ribeira FS: Matías, Daniel, Ángel, Yoel (1), Hugo A, Aleix, Hugo F, Alberto, Pedro (1), Bruno e Unai.
Cancha: Somos Fútbol.
| LIGA GALEGA ALEVÍN NORTE |
|---|
Resultados xornada 13
| O Esteo | 1-1 | 5 Coruña |
| Colegio Liceo | 0-5 | Narón |
| Casás | 1-2 | Ribeira |
| Stellae | 4-3 | Ventorrillo |
| Acasti Reformas | 6-1 | Meigallos |
| Parrulo A | 11-0 | Club del Mar |
| D | Hércules |
Próxima xornada
| Parrulo A | - | Hércules |
| Acasti Reformas | - | Club del Mar |
| Stellae | - | Meigallos |
| Casás | - | Ventorrillo |
| Colegio Liceo | - | Ribeira |
| O Esteo | - | Narón |
| D | 5 Coruña |
Liga Feminina
| LIGA GALEGA ALEVÍN FEMININA GRUPO C |
|---|
Próxima xornada
| Ribeira | (21/02) | Castro |
| Ribeira | (4/02) | Burela |
| Burela | (21/02) | Ribeira |
