formar xogadores que o ano que vén compitan na Liga galega cadete é a principal función do Residencia B que adestra Cholas e que milita na Liga provincial. Cun grupo de efectivos que non dá o brazo a torcer en ningún encontro e que traballa, sobre todo, dende unha boa defensa, os blanquiazuis non están dispostos a poñerllo sinxelo a ningún do resto de equipos da competición.
Cal é a meta que se propuxeron co Residencia B esta tempada?
Que se formen os xogadores e que disputen partidos para que o ano que vén xoguen na Liga galega cadete.
Que tal viu ó seu conxunto nos primeiros partidos?
Estamos competindo ben contra tódolos contrincantes e esa é a liña que debemos seguir. Empezamos algo xustos de xente nos adestramentos no mes de agosto, con tan só catorce ou quince xogadores, pero iso xa se solucionou.
Cal é a liña máis forte do seu equipo?
A nivel defensivo estamos realizando un gran traballo. Facemos fincapé niso nos adestramentos e a verdade é que ós rivais cóstalles marcarnos goles.
Que equipos cre que acabarán nas posicións máis altas da táboa clasificatoria?
Foz e Viveiro estarán arriba e, se espabila, tamén o Sagrado Corazón, que comezou cun calendario complicado. O Polvorín tamén ten un bo equipo.
Póster en la edición impresa de El Progreso de este lunes 1 de noviembre