Pais de alumnos que estudan no instituto de Brión, construído en Pedrouzos, pasaron xunto aos seus fillos a súa primeira noite de peche no centro co propósito de que haxa máis profesorado, adaptado á crecente demanda, e o equipo directivo presentou a súa dimisión.
A reivindicación, informaron a Efe, busca a consecución deste reforzo, posto que o número de matriculados aumentou en algo máis de trinta e serían necesarios, entenden, tres docentes máis no claustro, algo que non se produce porque non hai cambios no número de grupos.
A formulación que non entenden é o de facer catro primeiros de Eso e meter aos 61 alumnos de cuarto só en dous grupos, non sendo equiparables, indicaron, primeiro e cuarto, á parte de que non se poderán facer desdobres en Matemáticas académicas e aplicadas e iso arrastra outras materias de Ciencias, "e non se poderá facer grupo de reforzo en terceiro de Eso".
Os propios pais comentaron que o equipo directivo dimitiu porque non hai profesorado para facer horarios "agás que se desmantele o centro", e que o curso pasado, co mesmo número de profesores pero 31 alumnos menos, xa estaban "xustísimos para cubrir gardas".
Este venres, despois de que trinta persoas pasaran a noite dentro, espérase a reacción á dimisión e a visita da Inspección ao propio IES, onde segue unha representación das familias e do alumnado.
Este centro educativo arrincou ofertando unicamente o ciclo da Eso, e non o de bacharelato tamén, como si ocorre na actualidade.
