A final do Torneo Delegación deparou un partido emocionante que se resolveu nunha alongada tanda de penaltis.
O encontro, disputado o sábado no Viñas da Veiga de Mondoñedo, tivo unha parte para cada equipo. A primeira foi para os locais, que se adiantaron no marcador moi cedo, no minuto 4, por medio de Javier, que sería tamén o autor do 2-0 no 25. Con ese resultado chegábase ao descanso e na reanudación chegaría a remontada do Quiroga, que reducía distancias por medio de Brian e empataba a falta dun cuarto de hora para o remate do tempo regulamentario por medio de Sergio David.
No desempate a penaltis, os dous conxuntos estiveron moi atinados, polo que foi necesario lanzar até 11 veces por cada equipo. O fallo de Miguel daba a vitoria ao Mondoñedo, que chegara á final despois de golear ao Celeiro (5-0), mentres que o Quiroga gañara 3-1 ao Castroverde na semifinal.
MONDOÑEDO 2 - 2 QUIROGA
Quiroga FC: Marcos, Alba, Álex, Luis Manuel, Adrián González, Manuel López, Adrián Álvarez, Javier, Sergio David, Iván e Álex. Tamén xogaron Brian, Andrés, Miguel e David.
Goles: Javier (2) para o Mondoñedo e Brian e Sergio David para o Quiroga.
TORNEO DELEGACION - FASE FINAL |
---|
Mondoñedo | 5-0 | Celeiro |
Quiroga | 3-1 | Castroverde |
Mondoñedo | 2-2 | Quiroga |