A pugna polo posto que dá dereito ao ascenso directo de categoría segue moi reñida no grupo sur. Polo de agora corresponde ao Guntín, que mantén o liderado cun só un punto de vantaxe sobre o Ferreira.
Os dous xogaron na casa esta fin de semana e os dous sufriron para conseguir os tres puntos: o Guntín ante o Brollón e o Ferreira fronte ao Oural.
No partido xogado en Ladairo o Guntín tivo que remontar para facerse coa vitoria ante o Brollón. Foron os visitantes os que se adiantaron no marcador por medio de Pablo antes do descanso. Heitor empatou para os locais no ecuador do segundo tempo e, a falta de 5 minutos para o final, Adrián anotaba o gol da vitoria para o Guntín.
No campo do Baliño, o Ferreira impúxose ao Oural grazas a un solitario gol marcado por Julio Alberto a falta de 10 minutos para o remate do encontro. O partido estivo parado na primeira metade debido a un choque do porteiro local, Adrián, cun dianteiro rival.
O Friol caeu no seu campo, A Reigosa, fronte ao Becerreá. O encontro chegou sen goles ao descanso, pero na segunda metade o equipo dos Ancares logrou poñerse 0-2, grazas aos tantos de Héctor e Álvaro. Os locais reaccionaron por medio de Alberto Buján para poñer emoción ao treito final do partido. Xa no tempo engadido, co Friol lanzado en busca do empate, Álvaro facía o 1-3 definitivo.
O Milagrosa, que pecha os postos de promoción de ascenso, veuse sorprendido polo Chantada B na súa visita a Sangoñedo. O equipo que adestra Xende Fernández adiantáronse á media hora de xogo por medio de Efrén e rubricaron a vitoria cun gol de Manuel na segunda metade.
Na parte baixa da clasificación, o Corgo venceu ao Río Sil e abandona o posto de pechacancelas, que volve a corresponder ao Carballedo, que perdeu co Spórting Lucense ao encaixar dous goles nos últimos 10 minutos de partido.
GUNTÍN 2 - 1 BROLLÓN
CD Brollón: Daniel, Óscar, Pablo, Iván Manuel, Miguel, José Miguel, Damián, César, Adrián, Daniel e David. Tamén xogaron Hugo, Jorge, Aarón e Juan.
Goles: Heitor e Adrián para os locais e Pablo para os visitantes.
SAN LÁZARO 5 - 0 LEMOS B
Club Lemos B: Daniel, Manuel, Iago, Nicolás, Jorge, Álex, Abderazzak, Adrián, Javier, Hugo e Iago Xosé. Tamén xogaron Juan, Samuel, José Javier, Diego e Álvaro.
Goles: Yelko, Julio, Borja (2) e Héctor para os locais.
FRIOL 1 - 3 BECERREÁ
SD Becerreá: Álex, Héctor, Santín, Iago, José A, Borja, Álvaro, Ylye, Kevin, Riomao e Jesús. Tamén xogaron Albino, Cris, Alejandro e Rubianes.
Goles: Alberto para os locais e Héctor e Álvaro (2) para os visitantes.
Árbitro: Vicente Castro Rico.
CHANTADA B 2 - 0 MILAGROSA
SCD Milagrosa: Daniel, Joel, Andrés, Anxo, Diego, Marco, Faustino, Pedro A, Pablo, Felipe e Juan José. Tamén xogaron Manuel, Alejandro, Bruno, Mohssine e Antonio.
Goles: Efrén e Manuel para os locais.
PARADELA 0 - 0 SAN ROQUE
SDC San Roque: Rodrigo, Nicolás, Andrés, Alejandro Fernández, Emilio, Alejandro Mato, Manuel, Álex, Luis Alberto, Diego Dos Santos e Diego Rigueira.
Árbitro: Virgilio Polo Díaz.
Campo: O Gandarón
CORGO 4 - 2 RÍO SIL
CD Río Sil: Víctor, Xavier, Javier, Ángel, Javier Álvarez, Miguel Ángel, Ismael, Lucas, Brais, Alejandro Méncez e Carlos. Tamén xogaron Esteban, Alejandro González, Manuel e Adrián.
Goles: Corgo: Sebastián, Willian, Andrés e Jónathan. Río Sil: Carlos e Ismael.
FERREIRA 1 - 0 OURAL
SD Oural: Julián Esteban, Manuel, Monir, Iván Fernández, Iván López, Francisco, Alejandro, Sergio, Rodrigo, Rubén e Óscar. Tamén xogaron Diego e Javier.
Goles: Julio Alberto para os locais.
Árbitro: Yhosep Jorge Lagos.
CARBALLEDO 2 - 3 SP LUCENSE
Spórting Lucense: Pablo, Jorge, Brian, Mujib, Jesús, Kevin, Zoumana, Luis F, Roi, Alberto e Iván. Tamén xogou Ismael.
Goles: Ramón (2) para os locais e Iván, Jesús e Ismael para os visitantes.
| SEGUNDA GALICIA SUR |
|---|
| Guntín | 2-1 | Brollón |
| San Lázaro | 5-0 | Lemos B |
| Friol | 1-3 | Becerreá |
| Chantada B | 2-0 | Milagrosa |
| Paradela | 0-0 | San Roque |
| Corgo | 4-2 | Río Sil |
| Ferreira | 1-0 | Oural |
| Carballedo | 2-3 | SP Lucense |
Próxima xornada
| Lemos B | - | Brollón |
| Becerreá | - | San Lázaro |
| Milagrosa | - | Friol |
| San Roque | - | Chantada B |
| Río Sil | - | Paradela |
| Oural | - | Corgo |
| SP Lucense | - | Ferreira |
| Carballedo | - | Guntín |
