O empate do Lugo da fin de semana non lle permite conservar a segunda praza

Primeira Galicia

Empate do Lugo esta fin de semana co Victoria CF B nun partido sen goles e que deixa ao equipo de Joaquín na terceira praza da clasificación xeral,  un punto por baixo do Orzán e seis por riba do Bergantiños, cuarto e o último que aspira aos play off. O conxunto lugués acudiu unha semana máis xusto de efectivos xa que só fixo un cambio.

Consulta a clasificación aquí

Moita igualdade no partido Narón-Antas, pero a vitoria foi para o conxunto local por 2-0, cun gol en cada tempo, o último a dous minutos do final e ambos da xogadora local Sabela.

Xustos de efectivos chegaron os dous equipos ao duelo, as locais sen cambios e o Antas cunha sola xogadora de refresco. Esa superioridade no se reflectiu no campo xa que o resultado foi claro para o local.

VICTORIA CF B 0 - 0 LUGO

NARÓN 2 - 0 ANTAS

Próxima xornada

Segunda Galicia

O Friol B segue na súa liña e co seu escaso banco volveu facerse coa vitoria nesta ocasión pola mínima, un único gol de Nuria antes do intermedio. Segue colleitando vitoria tras vitoria o equipo friolés, que acumula 18 cunha única derrota. Esta fin de seman superou ao Santiso, outros dos aspirantes ao ascenso.

No posto de prata mantense unha semana máis o San Lázaro, que foi moi superior ao Arzúa, xa que gañou por 8-2. Aos dez minutos de duelo o conxunto lugués xa estaba tres goles arriba. Xusto no intermedio marcou o rival e no mesmo minuto o San Lázaro fixo o mesmo e á volta foi dominado absoluto da segunda parte.

O San Roque mantén a cuarta praza tras derrotar ao Cruces, un dos equipos de abaixo, por un contundente 4-1. Foron claramente superiores as locais, que marcaron os dous primeiros goles mediada a primeira metade moi seguidos. Remontou o visitante antes da pausa pero a segunda parte foi do San Roque, en marcou dous goles en dous minutos cando mediaba a segunda metade.

Consulta a clasificación aquí

No derbi comarcal entre Monforte e Chantada, as monfortinas fixéronse coa vitoria e polo tanto coa sexta praza, que estaba en liza. 5-3 venceron as locais que practicamente todo o partido estiveron por diante.

Abriron a conta mediada a primeira parte e o Chantada logrou empatar xusto á volta da pausa. pouco durou a igualdade xa que o local colleu vantaxe ata o 5-2. O último tanto do equipo vermello entrou no tempo de desconto.

O Milagrosa adiantou ao Carballedo na clasificación tras vencer con rotundidade ao Silleda, colista do grupo, a domicilio. Foron contundentes as luguesas pero lles costou atopar o camiño á porta contraria xa que o primeiro gol entrou a cinco minuto do descanso. Xusto á volta marcaron o segundo tanto e a partir de aí todo foi mellorar para que Ainara puidera facer o seu hat trick.

0-3 caeu o Carballedo a domicilio co Bandeira. O segundo gol, de penalti a dous minutos do intermedio fixo daño ao equipo visitante, que finalmente encaixaría o terceiro gol na segunda parte para quedar sen sumar unha semana máis na que xa é a cuarta derrota consecutiva.

A Comercial volveu perder esta fin de semana e fíxoo ante un dos equipos fortes, o Touro, co que se mantiveron inalterables ata o minuto 22, cando as luguesas sumaron o primeiro gol cun penalti que converteu Natalia. Antes da pausa o Touro logrou darlle a volta ao marcador e na segunda metade xa abriu fenda.

SILLEDA 0 - 5 MILAGROSA

COMERCIAL 1 - 4 TOURO

SAN LÁZARO 8 - 2 ARZÚA

MONTE FORTE 5 - 3 CHANTADA

BANDEIRA 3 - 0 CARBALLEDO

SAN ROQUE 4 - 1 CRUCES

FRIOL B 1 - 0 SANTISO

Próxima xornada