O Vilalbés B resiste arriba

O Vilalbés B rompeu a xeira coa que deu comezo a Liga e non puido pasar do empate co Pastoricense, que lle disputa o liderado da táboa. Partido intenso e con dominio alterno no que o Vilalbés B foi por   diante pero o Pastoricense non se quedou atrás. No descanso estaban 1-1 e mediada a segunda metade volvía a igualdade ao marcador, a mesma coa que finalizou o duelo. Un penalti do visitante foi o 2-2 tras unha expulsión de dobre amarela polo local. Tamén expulsaron a outro xogador dos verdivermellos  por protestar.

Vitoria moi avultada para o Iberia, que se coloca terceiro e envía ao Mondoñedo fóra dos postos de play off. Moi superior o equipo de Reinante, que goleou cun hat trick de Adrián.

Resultado avultado tamén para o Pontenova ante o Muimenta, que dominou o duelo con contundencia. No descanso xa tiña dous goles arriba do marcador e no ecuador da segunda metade avultou o resultado con outros dous. No tramo final o gol do Muimenta subiu ao electrónico de rexeite.

Tras dous empates, o Cospeito por fin logrou sumar os primeiros tres puntos ante o Roupar, que aínda non foi quen de puntuar. O equipo visitante empezou ben e dominando pero foi o local o que se adiantou no marcador  nun gol que foi máis en propia porta. Empataron rápido nunha xogada a balón parado. Na segunda, o Roupar saíu mellor e abriuse camiño de novo pero o Cospeito reaccionou para darlle a volta á situación e aguantar os últimos minutos.

Mesmo resultado de 2-2 para o Folgueiro-Candelaria, que comezou cun claro dominio visitante, que marcou dous goles. O local reaccionou e a base de esforzo e de ocasións logrou poñer o empate no marcador. A última parte do partido foi un pouco máis tensa e bronca e culminou coa expulsión dun xogador local por dobre amarela por protestar. Foi tamén nese tramo final cando se pitou un penalti ao Candelaria que non subiu ao marcador.

O hat trick de Alejandro Goás deu a primeira vitoria ao Abadín, ante o Cabreiros, que se completou cun gol de Noé. Os locais marcaron o segundo na primera xogada da segunda parte.

Poucas repercusións para o duelo Xermade-Alfoz, no que non houbo goles pero si reparto de puntos.
Na parte baixa, o San Ciprián sumou os tres primeiros puntos ante a Comercial e quedan ambos no medio da táboa.

Consulta a clasificación aquí

MUIMENTA 1 - 4 PONTENOVA

IBERIA 5 - 0 MONDOÑEDO 

XERMADE 0 - 0 ALFOZ 

FOLGUEIRO 2 - 2 CANDELARIA

VILLALBÉS B 2 - 2 PASTORICENSE 

ABADÍN 4 - 0 CABREIROS

SAN CIPRIÁN 2 - 1 COMERCIAL

ROUPAR 2 - 3 COSPEITO