O Vilalbés B é o primeiro líder

Cunha ampla goleada así foi como o Vilalbés B comezou a súa andaina pola Segunda Norte, tralo seu ascenso confirmado a pasada tempada. O filial marcou un máis que contundente 6-0 ao Alfoz, abrindo o reconto cun penalti. Unha falta do Alfoz foi o xerme do segundo tanto e na segunda parte seguiron marcando con seguridade, incluído un dobrete de Samuel.

O Folgueiro segue os pasos do Vilalbés B e foi incuestionable ante un recén ascendido Abadín no tramo final porque o primeiro tempo estivo máis igualado; de feito, foron ao descanso 1-1. No minuto 78 a contenda estaba moi equilibrada pero un gol de Ángel e dous de Manuel, o segundo de penalti e xa no desconto, abriron unha vantaxe que non se viu no terreo de xogo. Houbo un novo gol no tempo de desconto.

Tamén foi moi claro o Mondoñedo, que se estrea na categoría cunha vitoria ampla ante o Candelaria. Aínda que abriu o marcador pouco antes da pausa, tivo que esperar ata a segunda para mostrar a súa superioridade no marcador. De feito, empatou primeiro o Candelaria mediante un penalti pero cinco minutos despois os mindonienses marcaban vantaxe con dous tantos moi seguidos.

Ademais houbo contundencia por parte do Iberia, que venceu 3-0  ao Muimenta deixando todo o traballo feito antes da pausa, xa que no minuto 6 marcou o primeiro e logo Daniel fixo o dobrete.
A Comercial tamén superou 1-2 ao Roupar, vellos coñecidos,  nun partido tranquilo no que houbo moita igualdade. Cun só gol e xogando en casa venceu o Xermade ao Pontenova. O tanto subiu ao marcador no minuto 83’ de penalti e cando os dous equipos daban o empate como o esperado. 

O Pastoricense tamén necesitou só un gol para facerse coa vitoria ante o San Ciprián, ambos os dous equipos estréanse na Segunda tralo descenso da pasada tempada. O tanto visitante entrou xusto antes da pausa nunha xogada por banda e a situación xa non mudaría máis.

Foi un partido moi pelexado, no que ao visitante costoulle entrar e no que dominou o local ao principio pero sen poder achegarse. 

Tamén foi pelexado o Cospeito-Cabreiros, que rematou en empate a 2. O local mantivo a vantaxe no marcador durante paracticamente todo o tempo. Foi o primeiro en marcar e malia que o visitante empatou mediante un penalti, dous minutos despois volvía a poñerse por diante, xusto antes dos descanso. O marcador quedou estático ata o desconto, cando meteu o conxunto visitante o gol da igualada.

Consulta a clasificación aquí

IBERIA 3 - 0 MUIMENTA

XERMADE 1 - 0 PONTENOVA

CANDELARIA 1 - 3 MONDOÑEDO

VILLABÉS B 6 - 0 ALFOZ

ABADÍN 2 - 6 FOLGUEIRO

SAN CIPRIÁN 0 - 1 PASTORICENSE

COSPEITO 2 - 2 CABREIROS

ROUPAR 1 - 2 COMERCIAL

Próxima xornada