O Iberia apúntase á pelexa tras vencer no derbi e sitúase terceiro na táboa

O Roupar leva tres partidos sen gañar e cae na clasificación

O Meira segue a ser o claro dominador do grupo Norte de Segunda, onde a pugna estase a producir nos postos de promoción con media ducia de equipos buscando consolidarse entre os cinco primeiros clasificados. 

Un dos fixos é o Folgueiro, que encadea catro vitorias consecutivas, despois de gañar in extremis nesta xornada a un rival directo, o Roupar. Nun partido igualado, os do Vicedo fixéronse cos tres puntos grazas a un gol de Aurelio no tempo de desconto.    

Terceiro na táboa é agora o Iberia, que gañou no derbi local xogado nas Valgas ao Celta Barreiros. Os de San Cosme chegaron con posibilidades ao descanso (1-0) pero na segunda metade os de San Miguel sentenciaron o choque cunha goleada. 

Alleo a esa loita, o líder, o Meira, segue ao seu. Esta fin de semana gañou pola mínima ao Fonsagrada. O equipo que adestra Ramón Labrada aínda non perdeu ningún partido esta tempada e amosa unha solidez tanto en ataque como en defensa. Onte logrou a vitoria grazas a un único tanto de Rubén Vidal a falta de 10 minutos para o remate do partido. 

O Muimenta non pasou do empate diante da Comercial. Os de Cospeito foron todo o partido a remolque dos lucenses no marcador pero lograron finalmente salvar un punto grazas a un tanto de Jairo a falta dun cuarto de hora para o final do partido, que se disputou onte pola tarde no campo do Pichón. 

Na parte baixa, onde o Goiriz semella sentenciado ao descenso cun só punto en 11 partidos disputados, o único que gañou foi o Alfoz, que levaba 4 partidos sen facelo, acumulando outras tantas derrotas. Pero o sábado rompeu esa xeira negativa vencendo a outro equipo da parte baixa, o Cabreiros. O encontro chegou con empate ao descanso (2-2) pero na segunda metade os da Mariña foron superiores e sentenciaron cun gol de David Méndez e dous de Álvaro Lorigados. 
 

Consulte a clasificación aquí

ROUPAR 2 - 3 FOLGUEIRO

SDC Roupar: Francisco Javier, Carlos, Esteban, Fernando, Ramos, Fresco, Santiago, Paredes, Seco, Marcos e Andrés. Tamén xogou Diego.  
UD Folgueiro: Jónathan, Álvaro, Ángel, Iago, Marcos, Iván, Pablo, Aurelio, Aarón, Ismael e Óscar. Tamén xogaron Javier, Zeus, Marcos e Lisvaldi.  
Goles: Andrés e Santiago para os locais e Ángel, Álvaro e Aurelio para os visitantes.  

MUIMENTA 2 - 2 COMERCIAL

CSD Muimenta: Javier Noche, Manuel, Rubén, Jorge Cascudo, Julio, Eduardo, Javier Morán, Jorge Muñiz, Samuel, Jairo e Diego. Tamén xogaron Miguel e Diego Rico. 
SG Comercial: Joshua, Iván, Francesc, Brais, Javier, Carlos, José Antonio, Manuel, Javier, Arturo e Juan J. Tamén xogaron Javier, Brandán, Alejandro, Marcos e Gairson.  
Goles: Eduardo e Jairo para os locais e Brais e Javier para os visitantes.  

ALFOZ 5 - 2 CABREIROS

CD Alfoz: Flavio, Borja, Rubén, Ángel, Pablo, Luis, Álvaro, Augusto, Ayoub, David e Aderito. Tamén xogaron Adrián, Javier e Miguel.  
SDC Cabreiros: Paulino, Alejandro, Francisco, Alberto, Marco, Mateo, Marcos, José M, Sergio, Alejandro Blanco e Brais. Tamén xogaron Paniagua, José L e José Gato.  
Goles: Pablo, David (2) e Álvaro (2) para os locais e Sergio (2) para os visitantes.   

XERMADE 3 - 2 GOIRIZ

ACD Xermade: Juan, Hugo, Oliverio, Francisco, Iván, Joan, Brais, Pedro, Diego, Nahum e Antonio. Tamén xogaron Dan, David e Marcos. 
CD Goiriz: Juan, José Manuel, Miguel, Iván, Francisco, Alejandro, Borja, Eladio, Cristian, Fidel e David. Tamén xogaron Xoel, Alejandro, Santiago e Marcos.  
Goles:
Pedro, Miguel (en propia) e Oliverio para os locais e Cristian e Fidel para o Goiriz.  

FONSAGRADA 0 - 1 MEIRA

Fonsagrada Balompé: Jorge, Carlos, Pedro, Javier, Igor, Silbán, David, Kevin, Diego, Javier e Iván. Tamén xogaron José, Martín e Carlos.  
Meira CF: Xabier, Marcos, Julián, Javier, Salgado, Iago, Rubén, Gabriel, Iván, Alberte e Kevin. Tamén xogaron José Luis e Javier. 
Goles: Rubén Vidal para o Meira.  
Árbitro: José Adrián Rodríguez Expósito. 
Campo: Municipal Gómez Besteiro.

IBERIA 5 - 0 BARREIROS

Iberia CF: Javier Prieto, Javier Fernández, Miguel, Pernas, Rañón, Bachir, David, Daniel, Barrera, Torviso e Ángel. Tamén xogaron Jordane, Diego, Jorge, Arón e Prieto.  
Celta Barreiros:
Iago, Youssef, David, André, Miguel, Ismael, Manuel, Alexis, Iván, Joao e Yogos. Tamén xogaron Anxo, Henry, Javier, Alejandro e Sergio. 
Goles: Daniel, Adrián Torviso, Adrián Barrera, Jordane e Jorge para o Iberia. 

CASTRO B 1 - 1 COSPEITO

CD Castro B: Fernando, Joel, Miguel, Pablo, Mateo, Adrián, Francisco Javier, Alberto, Iván, Borja e Iago. Tamén xogaron Diego, Alejandro, Adrián e Raúl.  
CD Cospeito: Alberto, Álex, David, Xesús, Martín, Alejandro, Adrián, Daniel, Francisco, Xoán e Christian. Tamén xogaron Diego, Jesús, José e José Carlos.  
Goles: Diego para os locais e Alejandro Rábade para os visitantes.   

GUITIRIZ 1 - 0 CANDELARIA

Guitiriz SD: Jesús, Óscar, Mauro, Javier, Iván, Miguel, Jesús Lorenzo, Miguel Ángel, Diego, Antonio e Erik. Tamén xogaron José M, Yordi e Diego.  
SD Candelaria: Xesús, Lavilson, Raúl, Hugo, Miguel, Eric, Iván, Roberto, José Carlos, Alexandre e Daniel. Tamén xogaron Adrián e Silverio.  
Goles: Javier Ferreiro para o Guitiriz.  
Árbitro: Javier Pérez Prado.

 

SEGUNDA GALICIA NORTE

Resultados xornada 11

Roupar 2-3 Folgueiro
Muimenta 2-2 Comercial
Alfoz 5-2 Cabreiros
Xermade 3-2 Goiriz
Fonsagrada 0-1 Meira
Iberia 5-0 Barreiros
Castro B 1-1 Cospeito
Guitiriz 1-0 Candelaria

Próxima xornada

Folgueiro - Guitiriz
Comercial - Roupar
Cabreiros - Muimenta
Goiriz - Alfoz
Meira - Xermade
Barreiros - Fonsagrada
Cospeito - Iberia
Candelaria - Castro B