Copa Deputación
A Copa Deputación encara a fase de cuartos logo de que esta fin de semana se completaran os oitavos de final. Os equipos clasificados para a seguinte rolda son o Cospeito, o Rioaveso, o Vilalbés B, o Xermade, o Milagrosa, o Ferreira, o Paradela e o Oural, que se medirán entre si o vindeiro domingo.
O Cospeito vingouse do Guitiriz, despois de que o equipo que adestra Marcos Pereiro deixase ao de Luis Romay ás portas do ascenso a Primeira Autonómica na final do play off do grupo norte. Onte cambiaron as tornas e o Cospeito gañou no Suso Cruz cun contundente 1-4, tras adiantarse no marcador antes do descanso.
Máis concentrado estivo o equipo ascendido no grupo sur, o Milagrosa, que lle gañou pola mínima ao Corgo e medirase na seguinte rolda ao Ferreira. Os de Pantón impuxérnse ao Rubián grazas a dous tantos de Enríquez antes do descanso. O Rubián tratou de remontar á volta dos vestiarios pero o Ferreira enseguida volveu dominar.
O Rioaveso está a facer un bo torneo copeiro e onte gañoulle ao Alfoz a penaltis, despois de que o tempo regulamentario rematase con 2-2 no marcador. O Rioaveso xogou con 11 xustos, sen suplentes no banco, e aínda así foi quen de pasar á seguinte rolda. Xunto ao Vilalbés B, son os dous equipos de Terceira que seguen na competición.
O Paradela gañoulle ao Incio grazas aos goles de Adrián Regueiro, que marcou dous, e de José Alberto, mentres que o Xermade eliminou ao Muimenta nun partido que sentenciou ao comezo da segunda metade.
Os outros dous partidos, os do Vilalbés B contra o Castro B e o do Páramo contra o Oural, disputáronse de xeito adiantado a pasada fin de semana, coa clasificación do Vilalbés B e do Oural para a seguinte rolda. .
GUITIRIZ 1 - 4 COSPEITO
CD Cospeito: Alberto, Álex, David, Xesús, Jesús, Alejandro, Adrián, Brais, Daniel, Rui e Xoán. Tamén xogaron Gabriel, Yoseph e José Carlos.
Goles: Alejandro, Jesús, Gabriel e Xoán para o Cospeito e Mauro para o Guitiriz.
RIOAVESO 2 - 2 ALFOZ
CD Alfoz: Jacobo, Ángel, Luis M, Ayoub, Julián, Augusto, Juan, Javier, Miguel, Álvaro e Pablo. Tamén xogaron Borja e Aderito.
Goles: Mario e José para o Rioaveso e Pablo e Borja para o Alfoz. Na tanda de penaltis o Rioaveso marcou 4 e o Alfoz 3.
XERMADE 2 - 0 MUIMENTA
CSD Muimenta: Javier, Alejandro, Daniel, Manuel, Cristian, Julio, Eduardo, Javier, Pablo, Samuel e Jairo. Tamén xogaron Jorge, Diego e Sunday.
Goles: Nahum e Joan para o Xermade.
Árbitro: José Adrián Rodríguez Expósito.
CORGO 1 - 2 MILAGROSA
SCD Milagrosa: Borja, Francisco, Andrés, Diego, Faustino, Manuel, Pablo, David, Marco, Alejandro e Mohssine. Tamén xogaron Michael, Anxo, Mario, David e Juan José.
Goles: Andrés para os locais e Anxo e Marco para os visitantes.
RUBIÁN 0 - 2 FERREIRA
Ferreira CF: Víctor, César, Marcos, Diego Blanco, Marcos Blanco, Luis, Carlos, Julio, Enri, Samba e Rafa. Tamén xogaron Édgar, Juan, David, Iván e Adrián García.
Goles: Enríquez (2) para o Ferreira. .
O INCIO 2 - 3 PARADELA
SD Paradela: Eros, Miguel A, Carlos, Hugo, Adrián Alonso, Efrén, Diego, David, Adrián, Raúl e José Alberto. Tamén xogaron Juan Manuel, Alejandro e Francisco.
Goles: Adrián Regueiro (2) e José Alberto para o Paradela e Javier e Óscar par ao Incio.
| COPA DEPUTACIÓN SEGUNDA E TERCEIRA |
|---|
| Guitiriz | 1-4 | Cospeito |
| Rioaveso | 2-2 | Alfoz |
| Vilalbés B | 3-1 | Castro B |
| Xermade | 2-0 | Muimenta |
| Corgo | 1-2 | Milagrosa |
| Rubián | 0-2 | Ferreira |
| O Incio | 2-3 | Paradela |
| Páramo | 0-3 | Oural |
