O Guitiriz e o Milagrosa xa son equipos de Primeira Autonómica, logo de impoñerse nas finais do play off de ascenso. Os partidos de volta, xogados onte, depararon máxima igualdade e emoción até o final.
Norte
No Suso Cruz foi necesaria prórroga e penaltis para decidir o enfrontamento entre o Guitiriz e o Cospeito. Despois do 0-0 da ida, durante a primeira metade os locais pecaron de moito nerviosismo e non foron capaces de practicar o xogo ao que están acostumados. O Cospeito aproveitou para adiantarse no marcador aos 10 minutos, nun córner no que fallou a cobertura do equipo que adestra Marcos Pereiro, que comezou a despertar a medida que se achegaba o descanso. Na segunda metade os dous equipos tiveron ocasións, aínda que de pouca claridade, até que faltando 10 minutos para o remate Erik empatou o partido. A prórroga deu paso aos penaltis, nos que Jesús detivo un lanzamento do Cospeito, que estrelou outro no longueiro.
GUITIRIZ 1 - 1 COSPEITO
CD Cospeito: Alberto, Álex, Diego, David, Xesús, José, Adrián, Daniel, Rui Jorge, Xoán e Francisco. Tamén xogaron Alejandro, Manuel, Samuel e Christian.
Árbitro: Jorge Estraviz, Cerdeira.
Campo: Suso Cruz.
SEGUNDA GALICIA NORTE |
---|
Cospeito | 1-0 | Folgueiro |
Guitiriz | 0-0 | Iberia |
Folgueiro | 1-2 | Cospeito |
Iberia | 1-1 | Guitiriz |
Cospeito | 0-0 | Guitiriz |
Guitiriz | 1-1 | Cospeito |
Sur
Na Reigosa, o Friol saíu a darlle a volta ao 1-0 da ida que daba vantaxe ao Milagrosa, logrando adiantarse no marcador, que sen embargo chegaba con 1-1 ao descanso. Na segunda metade foi o conxunto de Manuel Couso o que colleu vantaxe, pero o Friol empatou xa no desconto, aumentando a presión nos últimos 5 minutos de tempo engadido, que se saldaron con 2 córneres sen maiores consecuencias e o ascenso dos lugueses.
FRIOL 2 - 2 MILAGROSA
SCD Milagrosa: Borja, Christian, Miguel, Anxo, Diego, Marco, Faustino, Mario, Joel, Bruno e David. Tamén xogaron Alejandro, Michael, Rafael e Andrés.
Árbitro: Vicente Castro, expulsou aos dous delegados de campo.
SEGUNDA GALICIA SUR |
---|
Paradela | 0-4 | Friol |
Milagrosa | 3-3 | Becerreá |
Friol | 3-1 | Paradela |
Becerreá | 5-5 | Milagrosa |
Friol | 1-0 | Milagrosa |
Final volta
Milagrosa | 2-2 | Friol |