O Friol favorece ao líder

O Oural camiña sen complicacións pola táboa, xa que volveu vencer, nesta ocasión ao Lemos B, por un cómodo 0-3. Á súa vitoria hai que sumar a derrota do Friol, polo que o equipo sarriao ponse aínda máis líder ca nunca mentres que o Lemos B somérxese na parte morna. Miguel, que fixo un dobrete, e Mario, que é o pichichi do grupo, foron os encargados de dar os tres puntos aos visitantes, que marcaron moi cedo o primeiro e sobre o asubío final o último.

O Antas volveu facerse coa vitoria pola mínima co Quiroga, xa que malia a súa posición é o equipo menos goleador da parte alta. Álex volveu ser o responsable dos tres puntos que sumou cun único tanto que chegou a tres minutos do final, dando a vitoria de novo de forma in extremis. O equipo celeste  é agora segundo, a cinco puntos do líder, debido á derrota do Friol.

O San Lázaro, que se mantén na zona de play off, foi o responsable da derrota do Friol, que levaba tres partidos consecutivos puntuando. Os visitantes perderon por 2-0 e caen á terceira praza da táboa, deixando ir unha oportunidade de ouro de seguir na pelexa polo ascenso directo. O local marcou dous goles, asegurando no primeiro tempo e completando o resultado a 7 minutos do final.

Outro dos equipos que segue enganchado á parte alta é o Becerreá que, a domicilio, sumou tres puntos máis coa vitoria sobre O Incio. O equipo da montaña dominou na primeira metade e marchou cun gol no peto. Á volta de vestiarios o Incio igualou o marcador pero non tardaría Albino en colocar de novo a vantaxe. No desconto, Iago completou o resultado para asegurar os tres puntos.

O Brollón tamén toca a zona de play off cos dedos, xa que está a un paso de meterse no grupo pero un empate a puntos co San Lázaro, Ferreira e Palas mantén a situación sen cambios. Esta fin de semana logrou os tres puntos no desconto do partido co San Roque grazas a un gol de Adrián. Foi o local o que abriu o marcador na primeira metade e empatou antes do descanso o Brollón, pero logo dunha gran intensidade que trouxo numerosas tarxetas amarelas para ambos no tramo final.

Tamén enganchado á parte alta segue o Ferreira, que venceu ao Chantada B por 5-2 nun partido no que os goles concentráronse na primeira metade, que rematou coa vantaxe xa dos locais por 4-2. 

Vitoria avultada tamén para o Palas sobre o Spórting Lucense (3-0). Malia o amplo resultado, os goles non chegaron ata a segunda parte, os dous últimos no tramo final.

Tenso remato no Carballedo-Paradela, no que a vitoria foi para o visitante, que dominou o marcador.

Consulta a clasificación aquí

  O INCIO 1 - 3 BECERREÁ

SAN ROQUE 1 - 2 BROLLÓN

LEMOS B 0 - 3 OURAL

  SAN LÁZARO 2 - 0 FRIOL

CARBALLEDO 2 - 3 PARADELA

PALAS 3 - 0 SP LUCENSE

QUIROGA 0 - 1 ANTAS

FERREIRA 5 - 2 CHANTADA B