Novo empate do líder, o Guntín, na casa. Desta volta fronte ao Milagrosa, que conseguía a igualada definitiva a falta de 5 minutos para o final do choque por medio de Felipe. Foron os lugueses os que se adiantaron na primeira metade, cun gol de Faustino aos 20 minutos, pero os locais reaccionaron e lograron darlle a volta ao marcador antes do descanso cun gol de Adrián e outro de Mateo. O equipo que adestra Hugo Vázquez mantén aínda seis puntos de vantaxe cos que encarar os 5 partidos que restan.
O Friol, que é segundo, venceu con comodidade ao Carballedo na Reigosa. O equipo que adestra Javier Serén gañaba xa 2-0 ao descanso e redondeou o marcador no cuarto de hora final.
Segue a mala xeira de resultados do Ferreira, que leva 5 partidos sen gañar. Esta fin de semana ante o Chantada B colleitou o terceiro empate consecutivo. Os de Pantón, que non foron quen de marcar nos 90 minutos, enfróntanse na vindeira xornada ao Friol.
O Oural gañoulle ao Brollón e recupera postos de promoción de ascenso, empatado a puntos co Milagrosa. Os dous goles dos de Sarria chegaron nos últimos 20 minutos do partido, xogado nos Medos, e foron obra de Óscar e de Alejandro.
En Lugo, o derbi entre o San Lázaro e o Spórting Lucense levárono os do barrio da Ponte, que se adiantaron no marcador na primeira metade, aos 10 minutos, por medio de Julio. Yelko ampliaría a vantaxe no segundo tempo pero o Sp Lucense reduciu distancias por medio de Alberto Caloto e deu emoción ao treito final do partido, o que Santiago, por partida dobre, sentenciou para os locais xa no tempo de desconto.
Na parte baixa, o Lemos B gañoulle ao Río Sil, situado con 4 puntos de vantaxe sobre o pechacancelas, o Corgo, que precisa reaccionar nas 5 xornadas que quedan para poder salvarse.
GUNTÍN 2 - 2 MILAGROSA
SCD Milagrosa: Daniel, Pedro, Juan, Andrés, Anxo, Diego, Marco, Faustino, Pablo, Joel e Mario. Tamén xogaron Felipe e Mohssine.
Goles: Adrián e Mateo para os locais e Faustino e Felipe para os visitantes.
BECERREÁ 0 - 1 SAN ROQUE
SDC San Roque: Roi, Gabi, Lucho, Raúl, Manu, Cachón, Sito, Caillou, Dhomini, Diego e Jano. Tamén xogaron Andrés, Nico, Emilio e Ylye.
Goles: Jano para o San Roque.
Árbitro: Miguel Rodríguez López.
LEMOS B 4 - 1 RÍO SIL
CD Río Sil: Adrián, David Díaz, Manuel, David Cortiñas, Álvarez, Ismael, Lucas, Esteban, Alejandro, Fernández e Luis Miguel. Tamén xogaron Brais, Smaily e Jónathan.
Goles: Nicolás (2), Jorge e Manuel para os locais e Ismael polos visitantes.
BROLLÓN 0 - 2 OURAL
SD Oural: Julián, Manuel, Monir, Diego Arias, Iván Barrio, Iván Fernández, Miguel, Rodrigo, Diego Díaz, Alejandro e Óscar. Tamén xogaron Jorge, Marcos, Sergio e Francisco.
Goles: Óscar e Alejandro para o Oural.
SAN LÁZARO 4 - 1 SP LUCENSE
Spórting Lucense: Ismael, Jesús Castiñeira, Brian, Mujib, Jesús Pérez, Kevin, Jorge, Luis F, Daniel, Brian e Iván. Tamén xogaron David, Alberto, Rubén e Roi.
Goles: Julio, Yelko e Santiago (2) para os locais e Alberto para os visitantes.
FRIOL 4 - 0 CARBALLEDO
Carballedo CF: Francisco, ÁlexFrioz, José Luis, Víctor Manuel, Javier, Martín, Adrián Doval, Álex Otero, Adrián Lobelle, Heber e David. Tamén xogaron Diego, Roberto Osorio e Roberto C.
Goles: Aitor, Isaac (2) e Diego para o Friol.
CHANTADA B 0 - 0 FERREIRA
Ferreira CF: Víctor, Marcos, Jónatan, David, Carlos, Rafael, Julio, Anthony, Diego, César e Marcos. Tamén xogaron Alexander, Juan Luis e José M.
Árbitro: Abdelouadoud Boutzakate.
Campo: Sangoñedo.
PARADELA 3 - 1 CORGO
CD Corgo: Quiroga, Cabado, Andrés, Willian, Lourival, Jónathan, Sebastián, Ignacio, Kevin, Raúl e Brais. Tamén xogaron Iago, Brais Prado, Borja e Andrés Arias.
Goles: Alejo, na primeira metade, e Losada e Juan, na segunda, para o Paradela.
| SEGUNDA GALICIA SUR |
|---|
| Guntín | 2-2 | Milagrosa |
| Becerreá | 0-1 | San Roque |
| Lemos B | 4-1 | Río Sil |
| Brollón | 0-2 | Oural |
| San Lázaro | 4-1 | SP Lucense |
| Friol | 4-0 | Carballedo |
| Chantada B | 0-0 | Ferreira |
| Paradela | 3-1 | Corgo |
Próxima xornada
| San Roque | - | Milagrosa |
| Río Sil | - | Becerreá |
| Oural | - | Lemos B |
| SP Lucense | - | Brollón |
| Carballedo | - | San Lázaro |
| Ferreira | - | Friol |
| Corgo | - | Chantada B |
| Paradela | - | Guntín |
