O Guntín volve encabezar

Cambio de líder á fronte da clasificación do grupo sur de Segunda Autonómica, ao empatar o Friol na casa co Brollón. O equipo que adestra Juan Carlos Gallardo adiantouse no marcador aos 7 minutos por medio de José Miguel. Os locais empataron á media hora por medio de Isaac e na segunda metade non houbo máis goles no campo da Reigosa, cun final de partido tenso, onde o colexiado do encontro, Abdelouadoud Boutzakate, tivo que botar man das cartulinas a marelas para calmar os ánimos.   

O Guntín impúxose en Ladairo ao San Lázaro e recupera o liderado que perdera a semana pasada. A clave do partido estivo no ecuador da primeira metade. En só dous minutos os locais púñanse 2-0 no marcador, grazas a un penalti transformado por Brais e un gol na seguinte xogada de Álvaro Buján. Yelko reduciu distancias para os de Lugo á volta do descanso, devolvendo as esperanzas aos do barrio da Ponte, pero a falta de 20 minutos para o remate chegaba a sentenza de Daniel para os locais.  

Terceiro é o Ferreira, que venceu ao San Roque e empata a puntos co Friol. Non houbo goles antes do descanso no Baliño. Na segunda metade, primeiro Adrián e máis tarde Massamba daban o triunfo ao equipo de Pantón. 

Continúa a mala xeira de resultados do Oural, que esta fin de semana perdeu co Spórting Lucense. Os de Sarria lograron tan só dous puntos nos últimos tres partidos xogados. Todo o contrario que os de Lugo, que contan por vitorias os últimos tres partidos xogados. O desta fin de semana 

Na parte baixa, un novo empate do Carballedo, o segundo consegutivo, permítelle abandonar a última posición da táboa. O partido xogado no campo de Cuatro Vientos, quedou 0-0, un resultado que lle vale ao Río Sil para manter 6 puntos de marxe co descenso.  

O posto de pechacancelas ocúpao agora o Corgo, que foi derrotado na casa polo Milagrosa, que se valeu dun gol de Mohssine a un minuto do final.Os de Lugo atópanse zona de play off, empatados a puntos co Oural.  

O Chantada B e o Lemos B tamén repartiron os puntos no duelo dos filiais. O encontro, xogado en Sangoñedo, rematou sen goles por parte dos dous equipos..

Consulte a clasificación aquí

GUNTÍN 3 - 1 SAN LÁZARO

FRIOL 1 - 1 BROLLÓN

CHANTADA B 0 - 0 LEMOS B 

CORGO 1 - 2 MILAGROSA 

 FERREIRA 2 - 0 SAN ROQUE 

CARBALLEDO 0 - 0 RÍO SIL 

SP LUCENSE 2 - 1 OURAL