Segue a pugna do Friol e o Oural, que golearon respectivamente ao pechacancelas e ao Brollón

A xornada 10 non trouxo cambios á clasificación do grupo Sur, onde o Friol e o Oural seguen pugnando polo liderado, empatados s 23 puntos. Nos postos de promoción están tamén o Guntín, o Paradela e o Ferreira, que adianta ao Becerreá na clasificación.  

O Friol goleou a domicilio ao pechacancelas, o Carballedo, en Cuatro Vientos. O equipo local mantivo o tipo ao descanso (0-1) pero no segundo tempo, co paso dos minutos, foi quedando patente a diferenza entre ambos equipos. 

Cos mesmos puntos que o Friol está o Oural, que se desfixo do Brollón no partido xogado o sábado no campo da Ribela. O encontro chegou con 2-1 ao descanso, pero na segunda metade o equipo de Sarria ampliou a vantaxe no marcador para sentenciar o encontro ao seu favor. 

Terceiro é o Guntín, que onte venceu ao Milagrosa en Frigsa. A primeira metade foi moi disputada, con alternativas no xogo e no marcador por parte dos dous equipos. Foron os locais os que abriron o marcador aos 10 minutos por medio de Faustino, pero os goles posteriores de Daniel e José Francisco, por partida dobre, para o Guntín dábanlle a volta ao partido. Antes do descanso, dous tantos de Anxo, o segundo de penalti, igualaban o choque para marchar aos vestiarios cun 3-3. Na segunda metade, sen embargo, o equipo que adestra Hugo Vázquez decantou a balanza ao seu favor. 

O Paradela foi derrotado polo Corgo nun partido que chegou empatado (1-1) ao descanso. Pero un tanto en propia meta de Juan Manuel a falta de 20 minutos para o final do choque daba os tres puntos ao equipo que adestra José Antonio Abad. 

O Ferreira impúxose ao Chantada B no Baliño con goles de Rafael e Massamba e adianta na clasificación ao Becerreá, que non foi quen de pasar do empate ante o San Roque no partido xogado no campo do Polvorín. 

Consulte a clasificación aquí

MILAGROSA 3 - 5 GUNTÍN

 SAN ROQUE 2 - 2 BECERREÁ

RÍO SIL 2 - 1 LEMOS B

OURAL 5 - 1 BROLLÓN

SP LUCENSE 3 - 0 SAN LÁZARO

CARBALLEDO 0 - 6 FRIOL

FERREIRA 2 - 0 CHANTADA B

CORGO 2 - 1 PARADELA