O Monforte supera ao Chantada Atlético con comodidade e tamén suman Calasancio e a SD

GRUPO 1A

O Calasancio mantén o seu lugar de privilexio cunha goleada sobre o Barco, equipo da zona media. Os monfortinos malia o resultado non foron os encargados de abrir a conta, xa que o Barco marcou aos dous minutos do inicio. Reaccionaron rápido os vermellos, que lle deron a volta ao marcador ata o 1-3. Xusto á volta o local volveu meter pero na seguinte xogada o Calasancio volveu tomar a dianteira con dous tantos seguidos para seguir sumando ata o 2-7 do final.

Vitoria tamén para o SD Chantada no Sangoñedo ante o Pabellón ED, o que lle permite seguir escalando na táboa. Os chantadinos comezaron dando a sorpresa a un minuto do descanso, tras unha primeira parte anodina.

Á volta, xusto no reinicio, o rival logrou igualarse e mesmo poñerse por diante pero o Chantada non os deixou ir e empatou de seguido. Tempo de tranquilidade ata o tramo final, cando entraron os dous tantos que lle deron a vitoria aos vermellos.

Consulta a clasificación aquí

O Monforte non perde a esperanza de meterse no grupo de promoción e esta fin de semana deu un paso máis no seu obxectivo coa vitoria sobre o Chantada Atlético por 6-1.

Dous goles madrugadores (no 1' e no 5') sentaron as bases para o resto do duelo, no que no descanso o marcador tiña xa un 5-1 que deixaba claro o dominio local. Tras unha segunda parte sen sobresaltos, a 9 minutos do final, pechouse a conta dando os tres puntos ao local.

Derrota do Quiroga a domicilio co Arenteiro por 6-2. Primeira parte máis igualada na que o local levouse de renda dous goles.

Á volta, de seguido marcou o terceiro e o cuarto de penalti. A partir de aí, o Quiroga aproveitou para meter dous tantos seguidos, pero no tramo final, o Arenteiro recuperou terreo de novo para aumentar dous goles máis.

MONFORTE 6 - 1 CHANTADA ATL. 

CHANTADA 4 - 2 PABELLÓN

BARCO 2 - 7 CALASANCIO

ARENTEIRO 6 - 2 QUIROGA

GRUPO 1B

Derrota do Calasancio B na casa ante A Peroxa, co que competía por posición na táboa, polo que perdeu un posto. O partido desestabilizouse no minuto 5 cando o Calasancio abriu o marcador pero este no se movería máis ata o tramo final no duelo, cun gol en propia dos locais que subiu o empate ao marcador.

Sete minutos despois aproveitaban para sumar o segundo e con iso levarse os tres puntos. Segunda derrota consecutiva para o equipo dos Escolapios que antes levaba 4 vitorias consecutivas.

Consulta a clasificación aquí

CALASANCIO B 1 - 2 A PEROXA