Vitorias de Calasancio e Monforte, o que lles permite manterse preto do ascenso

GRUPO 1A

Nova vitoria de Calasancio e Monforte na súa carreira ao ascenso. O Monforte, pola súa conta, venceu ao Arenteiro a domicilio e fíxoo co marcador do seu lado e co primeiro gol aos cinco minutos do primeiro tempo. Aguantarían os locais o arreón ata a segunda metade, cando á vota de vestiarios encaixaron dous máis seguidos. Co 0-3 no marcador, relaxou o Monforte e foi así como o rival se achegou ata o 2-3 co que finalizou.

O Calasancio tamén xogou un partido condicionado por un gol madrugador para os monfortinos, que xa contaron con empate antes do descanso. Finalmente o gol da vitoria entraría no minuto 62. 

Con estes resultados, o Calasancio ocupa a última praza que dá dereito a loitar polo ascenso mentres que o Monforte, cos mesmos puntos, queda un lugar por baixo.

Consulta a clasificación aquí

No capítulo de derrotas, destacan a do SD Chantada na casa contra o Rúa, líder da competición invicto.  Os chantadinos aguantaron a súa portería a cero ata dous minutos antes da pausa. Pero cun gol en contra e medio partido por diante, había aínda moitas oportunidades que ao final non se producían xa que o Rúa volveu marcar de seguido da pausa e seguiu acosando a portería dos vermellos con dous tantos máis, un deles sobre a bucina.

Resultado similar para o Quiroga, que tamén encaixou 4 goles do rival, o Pabellón ED, pero a domicilio. Neste caso os lugueses foron ao descanso con dous tantos en contra e xusto á volta da pausa entrou o terceiro. Non pasarían nin dez minutos antes de que entrase o cuarto e último.

Tamén caeu derrotado amplamente o Chantada Atlético a domicilio ante A Purísima. Aguantaron os visitantes o envite dos líderes da clasificación pero marcharon ao descanso con tres en contra. Xa na segunda parte descontrolouse a conta  ata o 11-0 co que rematou. Os quirogueses seguen pechando a táboa neste ano de debut, mentres que os dous conxuntos de Chantada sobreviven na zona de abaixo.

ARENTEIRO 2 - 3 MONFORTE

A PURÍSIMA 11 - 0 CHANTADA ATL. 

CHANTADA 0 - 4 RÚA

CALASANCIO 2 - 1 UD OURENSE B

PABELLÓN ED 4 - 0 QUIROGA

GRUPO 1B

Segunda vitoria do Calasancio B na competición ligueira sobre o Bosco B, co que comparte posición na táboa. O equipo dos Escolapios levantou un partido que se puxo en contra no minuto 1, cando encaixou o primeiro tanto. Non así, xogaron unha primeira metade na que non se atopou o oco entre os tres paus.

Empataron os monfortinos no minuto 55 aínda que o Bosco volveu coller dianteira na seguinte xogada. Os do Calasancio B volveron empatar antes de que Imad co seu dobrete da xornada dese a volta ao marcador e Gutiérrez asentase a vitoria co 2-4 final no tempo de desconto.

Consulta a clasificación aquí

BOSCO B 2 - 4 CALASANCIO B