Arranque de tempada para a Primeira con grandes actuacións dos equipos locais

Grupo 1

Seguindo coa estrea da semana pasada da Primeira infantil, uniuse este domingo ao curso 22/23 a Primeira cadete con dous grupos en Lugo. 

No 1, formado por 11 equipos despois da baixa do Foz, houbo tres goleadas na primeira xornada. O Castro púxose a cabeza despois de pasar por riba ao Polvorín B cun 11-0, con hat trick de Raúl, que se pon no primeiro posto da táboa dos goleadores. O Ribadeo estivo cerca, asinou un 7-0 no Pepe Barrera contra o A Piringalla B. O terceiro posto da lista está ocupado agora polo Vilalbés, que venceu ao Río Ouro. Aínda que os mariñaos conseguiron achegarse co 2-1 de Aarón, os chairegos tomaron o mando ata o 6-1 final. 

Seguindo polo Guitiriz, foi superior ao Viveiro no Marcos Gómez. Abriron o marcador na primeira metade e puxéronse 0-3 na segunda. Manuel conseguiu achegar aos celestes (1-3), pero foi tarde. Máis tímida foi a vitoria do Residencia, que gañou pola mínima a un Pontenova escaso de efectivos, grazas a un tanto de Mateo no minuto 37.

Esta semana tocoulle descansar ao Milagrosa B, que se enfrontará ao Viveiro B na segunda xornada.

Consulta a clasificación aquí

VILALBÉS 6 - 1 RÍO OURO

RESIDENCIA B 1 - 0 PONTENOVA

CASTRO 11 - 0 POLVORÍN B

RIBADEO 7 - 0 A PIRINGALLA B

VIVEIRO B 1 - 3 GUITIRIZ

Grupo 2

No outro grupo non houbo tanta diferencia na maioría dos marcadores como no anterior, pero o A Piringalla e o Antas impuxéronse na táboa coas súas vitorias por catro goles de diferenza.

Os primeiros venceron ao Becerreá cun 5-1 no Rodríguez Lago. Aínda que os visitantes engancháronse ao partido co 2-1 na segunda parte, os locais pronto reaccionaron co terceiro e fixeron dous máis na recta final do partido. O Antas comezou impoñéndose ao Sagrado Corazón na primeira metade cun gol de Efrén. Tralo descanso, dous de Gael e un de Unai sentenciaron o duelo. O Residencia tamén conseguiu impoñerse con seguridade fronte á Sarriana, que recibiu dous goles na primeira metade e un terceiro na segunda.

Triunfos máis axustados foron os do Corgo e o Casás a domicilio. O conxunto banco e negro conseguiu dobregar ao Polvorín despois de pasar dúas veces polo empate no marcador (3-4). No caso do Casás, venceron por 1-2 ao Ferroviaria con goles de Hugo e Tulio. Os locais achegáronse nos últimos minutos pero non chegaron a empatar.

Ao Palas tocaralle comezar a tempada a vindeira semana enfrontándose a un dos máis goleadores deste inicio, o Antas.

Consulta a clasificación aquí

FERROVIARIA 1 - 2 CASÁS

A PIRINGALLA 5 - 1 BECERREÁ

POLVORÍN 3 - 4 CORGO

SARRIANA 0 - 3 RESIDENCIA

ANTAS 4 - 0 SAGRADO CORAZÓN