O Chantada recupera a senda da vitoria e vence ao Celanova cun avultado marcador

Grupo A1

Vitoria cómoda do Chantada, que recupera a senda da vitoria tras o esvarón da pasada fin de semana. Nesta ocasión o equipo vencido foi o Celanova e con estes tres puntos o equipo chantadino mantense nos postos de play off para o ascenso.

A vantaxe no marcador para os de vermello produciuse na segunda metade porque remataron o primeiro tempo co empate a 1 no marcador tras abrir o tanteo o local. Na segunda, nada máis comezar xa se puxeron por diante e foron sumando un gol cada dez minutos ata o 5-1 co que rematou, o último no tempo de desconto.

Consulta a clasificación aquí

CHANTADA 5 - 1 CELANOVA

Grupo A3

O Monforte sumou unha nova vitoria, a segunda desta segunda fase, e fíxoo ante o Santa Teresiña, ante o que foi superior en resultados. O conxunto local tardou en abrir a caixa dos goles pero cando o fixo entraron tres case seguidos, con descanso polo medio.

Co 3-0 o rival logrou marcar para acurtar resultados pero se quedaría en nada, xa que sobre a bucina o Monforte volveu marcar por medio de Xoán de penalti para poñer o 4-1 definitivo no marcador.

Consulta a clasificación aquí

Tamén no grupo de abaixo, o Calasancio B caeu derrotado e queda sumido no máis baixo da táboa, xa que só foi quen de acumular 1 punto en catro partidos.

Neste caso a derrota foi a domicilio ante o Verín B por 6-1. Malia o resultado amplo, foi o conxunto dos Escolapios o primeiro en abrir marcador, a través de Oliver no miunuto 12. Quedaría todo en nada cando antes da pausa o Verín B tiña recuperado terreo co 2-1. Co terceiro dos locais, xusto á volta da pausa, o partido xa quedou sentenciado.

VERÍN B 6 - 1 CALASANCIO B

MONFORTE 4 - 1 SANTA TERESIÑA