Xornada de contrastes para os equipos da provincia con dous goleadas como protagonistas. A favor foi a do Chantada, que segue campando ás súas anchas pola categoría, invicto aínda e nun triplo empate no liderado con Arenteiro e Barco.
Nesta ocasión, os chantadinos superaron amplamente ao Rúa, equipo da zona media, ao que marcaron dous goles nos dez primeiros minutos. Ese 2-0 completaríase cun 3-0 pouco despois. Xusto á volta volveron marcar e coa seguridade que daba a vantaxe seguiron dominando o duelo ata chegar o 7-0 co que rematou o partido.
Daniel foi o responsable de catro dos goles o que o sitúan con moita vantaxe como pichichi do grupo, con 21 tantos, fronte ao 16 do segundo.
En sentido contrario foi a goleada do Calasancio B, que encaixou a domicilio co Barco, un dos líderes, un 8-0. 2-0 tamén no minuto 10 que se completaría nesta ocasión ata o 6-0 antes da pausa. Pouco máis tiveron que dicir os dos Escolapios ante un equipo que foi superior.
Derrota do Monforte, que queda nunha discreta posición na táboa, ante o Arrabaldo por 2-5. Foi o Monforte o primeiro en abrir o caixón pero antes do descanso o visitante xa tiña dada a volta ao marcador e a partir de aí o partido quedou en mans do Arrabaldo, que pechou a conta xa no minuto 63.
CHANTADA 7 - 0 RÚA
CD Rúa: Lisandro, Ian, Brais, Lucas, Luis, Aitor, Íker, Jairo, Manuel, Marcelo e Rubén. Tamén xogou Alejandro.
Goles: Daniel (5, 9, 42' e 79'), Hugo M (20'), Hugo P (51') e Abel (69').
Árbitro: Manuel González Castro.
BARCO 8 - 0 CALASANCIO B
CP Calasancio B: Matías, Pablo, Héctor, Manuel A, Javier, Ainhoa, Miguel, Oliver, Daniel, Mohamed e Íker. Tamén xogaron Manuel, Pablo César, Lois e Alejandro.
Goles: Nicolás (8'), Gorka (10', 35' e 63'), Alexis (17' e 44') e Bruno (30' e 33').
Árbitro: Adrián Rodríguez Pacio.
MONFORTE 2 - 5 ARRABALDO
SDC Arrabaldo: Joel, Mateo, Izan, Brais, Lionel, Xurxo, Diego, Anxo, Marcos, Adrián e Yoel. Tamén xogaorn Breogán, Daniel, Anxo e Enaitz.
Goles: 1-0 (14'): Dimitru. 1-1 (33'): Diego. 1-2 (36'): Lionel. 1-3 (56'): Marcos. 1-4 (57'): Lionel. 2-4 (60'): Marco. 2-5 (63'): Lionel.
Árbitro: Alberto López Álvarez.
PRIMEIRA PROVINCIAL CADETE SUR |
---|
Chantada | 7-0 | Rúa |
Barco | 8-0 | Calasancio B |
Barbadás B | 2-3 | Xinzo B |
Arenteiro | 3-0 | Velle |
Ribadavia | 2-1 | UD Ourense B |
Monforte | 2-5 | Arrabaldo |
D | A Purísima |
Próxima xornada
Chantada | - | Barco |
Calasancio B | - | Barbadás B |
Xinzo B | - | Arenteiro |
Velle | - | Ribadavia |
A Purísima | - | Monforte |
Rúa | - | Arrabaldo |
D | UD Ourense B |